डोंबिवली जवळ वातानुकूलित लोकलवर दगडफेक; महिला जखमी

डोंबिवली, ठाकुर्ली रेल्वे स्थानकांच्या दरम्यान सकाळी नऊ वाजताच्या दरम्यान टिटवाळा-छत्रपती शिवाजी महारा्ज टर्मिनस लोकल धावत असते. नेहमीप्रमाणे शुक्रवारी सकाळी ही लोकल ठाकुर्ली ते डोंबिवली रेल्वे स्थानकांच्या दरम्यान धावत असताना ठाकुर्ली जवळ बाजुच्या वस्तीमधून एक दगड वातानुकूलित लोकलच्या खिडकीवर फेकण्यात आला. दगड वेगात फिरकावल्याने दगड काच फोडून खिडकीजवळ बसलेल्या एका महिलेला लागला. तिला किरकोळ जखम झाली. यावेळी काही वेळ लोकलमध्ये प्रवाशांची तारांबळ उडाली.

आणखी वाचा

सिंहगड रस्त्यावर धायरी भागात दोन गटात हाणामारी, परस्पर विरोधी फिर्यादीवरुन गुन्हे दाखल

Nana Patole : निकालाआधी राजकीय घडामोडींना वेग; यातच…

‘या’ किल्ल्यावरील अंडाकृती खडकाखाली दडलंय काय?

कल्याण ग्रामीणमधील विधानसभा मतदारसंघात शिळफाटा येथे वाहनातून पाच कोटी जप्त

उरण-करंजा मार्गाची दुरवस्था कायम

रस्ता ओलांडताना रेल्वेची जबरदस्त धडक आणि वाघीण…

उरण : रानडुकरांमुळे भातशेतीचे नुकसान, वन, कृषी विभागाचे दुर्लक्ष; शेतीची राखण करण्याची शेतकऱ्यांवर वेळ

हेही वाचा : प्रदूषणमुक्त दिवाळीसाठी कल्याण, डोंबिवलीत पालिका विद्यार्थ्यांच्या जनजागृती फेऱ्या

याप्रकरणाची तातडीने रेल्वे प्रशासनाला ट्वीटरच्या माध्यमातून माहिती देण्यात आली. ही माहिती डोंबिवली लोहमार्ग, रेल्वे सुरक्षा बळाला देण्यात आली. पोलिसांनी तातडीने ठाकुर्ली रेल्वे स्थानक परिसरातील सीसीटीव्ही चित्रण तपासले. यावेळी दोन गर्दुल्ले ठाकुर्ली जवळील वस्तीत रेल्वे मार्गालगत बसून दगडफेक करत असल्याचे आढळले. पोलिसांनी त्यांचा ठाकुर्ली रेल्वे स्थानक परिसरात शोध घेऊन त्यांना तात्काळ अटक केली. त्यांच्यावर लोहमार्ग पोलीस ठाण्यात गुन्हा दाखल करण्यात आला आहे, अशी माहिती मध्य रेल्वेचे मुख्य जनसंपर्क अधिकारी शिवराज मानसपुरे यांनी दिली.