डोंबिवलीत मुलाकडूनच आई-वडिलांच्या घरातील तिजोरीतील रोख रकमेची चोरी

पोलिसांनी सांगितले, विनायकची आई चंद्रकला या गृहसेविका आहेत. परिसरात घरकाम करून मिळणाऱ्या उपजीविकेतून त्या घरगाडा चालवितात. त्यांचे पती सिंंधुदुर्ग जिल्ह्यात कणकवली येथे राहतात. त्यांची तब्येत ठीक नसल्याने तेथे त्यांच्यावर वैद्यकीय उपचार सुरू आहेत. पतीच्या तब्यतेची खुशाली घेण्यासाठी तक्रारदार चंद्रकला माने मे महिन्यात कणकवली येथे गेल्या होत्या. तेथून डोंबिवलीत परत आल्यावर चंद्रकला यांनी घरातील लोखंडी कपाटाच्या तिजोरीतील रक्कम तपासली. त्यात त्यांना काही आढळले नाही. त्यांनी मुलाला तिजोरीतील ३५ हजार रूपये कुठे गेले, अशी विचारणा केली. त्याने आपणास काही माहिती नसल्याची उत्तरे दिली. घरात चोरी झाली नसताना पैसे गेले कोठे, असा प्रश्न चंद्रकला यांना पडला.

आणखी वाचा

मतदारांना आमिषे दाखविण्यास सुरवात; भाईंदरमध्ये मद्य आणि मासळाची साठा जप्त

Nana Patole : निकालाआधी राजकीय घडामोडींना वेग; यातच…

मलकापुरात विकासकामांचा मुद्दा प्रचाराच्या केंद्रस्थानी, चैनसुख संचेती आणि राजेश एकडेंमध्ये कलगीतुरा

पडसाद : त्यांच्याविषयी कुतूहल

चलनवाढीसह विकासवेग मंदावण्याचा धोका ; शक्तिकांत दास

‘बुलडोझर दहशत’, ‘जंगल राज’ संपेल! निकालाचे विरोधी पक्षांकडून स्वागत; सरकारची सावध प्रतिक्रिया

मनमानी राजकारणावर न्यायव्यवस्था अंकुश ठेवू शकेल?

महायुतीमध्ये असंतोषाची दरी, बंडखोरीमुळे वाशीम जिल्ह्यात वाद वाढले; कारवाईत पक्षपातीपणा?

हेही वाचा : ‘एमएमआरडीए’ने बांधकाम परवानग्या मराठीत द्याव्यात, आमदार प्रमोद पाटील यांची मागणी

तक्रारदार यांना संशय आल्याने त्यांनी पतीचे तिजोरीत असलेले पंजाब नॅशनल बँकेचे एटीएम कार्ड तपासले. तेही जागेवर नव्हते. चंद्रकला यांनी बँकेत जाऊन पतीच्या बँक बचत खात्यात किती पैसे शिल्लक आहेत याची विचारणा अधिकाऱ्यांकडे केली. तेव्हा त्यांना १६ जून ते २१ जून या कालावधीत या बँक खात्यामधून एटीएमच्या साहाय्याने डेबिट कार्ड माध्यमातून वेगळ्या व्यवहारांमधून एकूण दोन लाख ५० हजार रूपये काढले असल्याचे सांगण्यात आले. हे ऐकून चंद्रकला हादरल्या.

हेही वाचा : डोंबिवलीतील हाय प्रोफाईल गृहसंकुल प्रकल्पात पाण्याचा खडखडाट, घरं खरेदी केलेल्या लोकांची निराशा

आपल्या मुलाशिवाय हे व्यवहार दुसरे कोणी करू शकत नाही याची खात्री आईला पटली. त्यामुळे घरातील तिजोरीतील ३५ हजार रूपये आणि बँकेतील दोन लाख ५० हजार रूपये मुलगा विनायक यानेच लबाडी करून चोरी केले असल्याचे लक्षात आल्यावर आणि मुलगा याविषयी काहीही खरे बोलण्यास तयार नाही. त्यामुळे आई चंद्रकला माने यांनी मुलगा विनायक याच्या विरुध्द विष्णुनगर पोलीस ठाण्यात तक्रार केली. पोलिसांनी गुन्हा दाखल करून तपास सुरू केला आहे.