कल्याण डोंबिवलीत अवकाळी पावसाच्या सरी

हेही वाचा : टिटवाळ्याजवळ महामार्गाच्या खड्ड्यात पडून बालिकेचा मृत्यू

शुक्रवारी सकाळी सात वाजल्यापासून पुढे पंधरा मिनिटं पावसाची रिमझिम सुरू होती. अचानक आलेल्या या पावसाने नागरिकांना आडोसा घेऊन चालावे लागत होते. सकाळीच फिरण्यासाठी बाहेर पडलेल्या महिला पुरुषांची देखील पावसाने पळापळ केली. कल्याण कृषी उत्पन्न बाजार समितीमध्ये भाजी खरेदी विक्रीसाठी आलेल्या व्यापाऱ्यांची उघड्यावर ठेवलेली भाजी खराब होऊ नये म्हणून झाकून ठेवण्यासाठी तारांबळ उडाली. घरातून बाहेर पडताना अनेक नोकरदार मंडळींनी छत्री घेऊन बाहेर पडणे पसंत केले. मुले रेनकोट घालून शाळेत जात होती. शुक्रवारी सकाळीच आभाळ भरून आले होते. त्यामुळे पावसाची शक्यता वर्तवली जात होती.