कल्याण: कल्याण आणि भिवंडी लोकसभा मतदारसंघातील महायुतीचे उमेदवार खासदार डाॅ. श्रीकांत शिंदे, केंद्रीय मंत्री कपील पाटील यांच्या प्रचारानिमित्त पंतप्रधान नरेंद्र मोदी १० मे रोजी कल्याणमध्ये येत आहेत. कल्याण पश्चिमेतील वासुदेव बळवंत फडके मैदानावर मोदींची प्रचाराची सभा होणार आहे.
पंतप्रधान झाल्यानंतर नरेंद्र मोदी हे तिसऱ्यांदा कल्याणमध्ये येत आहेत. यापूर्वी देशाचा एकही पंतप्रधान कल्याणमध्ये फिरकला नव्हता. २०१४ मध्ये मोदी लोकसभा निवडणूक प्रचारासाठी कल्याणमध्ये आले होते. १८ डिसेंबर २०१८ मध्ये मोदी मुंबई महानगर प्रदेश प्राधिकरणाने आयोजित मेट्रो मार्ग प्रकल्पांसह सिडको गृहनिर्माण प्रकल्पांचे उद्घाटन करण्यासाठी कल्याणमधील फडके मैदानावर आले होते. यावेळी मोदींनी २१ मिनिटे भाषण केले होते. आता तिसऱ्यांदा मोदी कल्याणमध्ये येत आहेत.
हेही वाचा : एम. के. मढवी यांच्याविरोधातील तक्रारदार भाजपचा पदाधिकारी ?
भिवंडी लोकसभा मतदारसंघात महायुतीतर्फे भाजपचे केंद्रीय मंत्री कपील पाटील निवडणूक रिंगणात आहेत. या मतदारसंघात महाविकास आघाडीतर्फे सुरेश उर्फ बाळ्या मामा म्हात्रे, जिजाऊ विकास पक्षातर्फे नीलेश सांबरे निवडणूक लढवित आहेत. गेल्या दहा वर्षाच्या कालावधीत कपील पाटील यांनी भिवंडी लोकसभा मतदारसंघातील मुरबाड, शहापूर, भिवंडी ग्रामीण, पू्व, पश्चिम आणि कल्याण पश्चिम अत्यावश्यक विकास कामे मार्गी लावण्यात पुढाकार घेतला नाही. या भागातील लोकांच्या नागरी समस्या, किंंवा जनसंपर्क ठेवण्यात कमी पडले. त्याची किंमत आता कपील पाटील यांना प्रचाराच्यावेळी चुकती करावी लागत आहे. बाळ्या मामा, नीलेश सांबरे असे तगडे उमेदवार समोर असल्याने यावेळी कपील पाटील यांच्यासमोर आव्हानात्मक परिस्थिती आहे. या परिस्थितीवर मात करण्यासाठी मोदी यांच्या सभेचे कल्याणमध्ये आयोजन करण्यात आल्याचे समजते.
हेही वाचा : कल्याण: टिटवाळा जवळील म्हस्कळ गावातील श्री शंकर महाराज मंदिरात चोरी
कल्याण लोकसभा मतदारसंघातून महायुतीतर्फे शिवसेनेचे खासदार डाॅ. श्रीकांत शिंदे निवडणूक लढवित आहेत. उच्चशिक्षित उमेदवार म्हणून खासदार शिंदे यांच्या ख्याती आहे. गेल्या दहा वर्षाच्या कालावधीत अडीच हजाराहून अधिक कोटीचा निधी खासदार शिंदे यांनी विकास कामांसाठी कल्याण लोकसभा मतदारसंंघासाठी आणला.या भागात काँक्रीट रस्ते, नागरिकांचे अत्यावश्यक प्रकल्प मार्गी लावण्यात महत्वाची भूमिका बजावली. कल्याण-तळोजा, उल्हासनगर, बदलापूर मेट्रो मार्गी लावण्यात डाॅ. शिंदे यांचा मोलाचा वाटा आहे. विकास कामांचा खासदार शिंदे यांनी पाऊस पाडला असला तरी या भागातील एक वर्ग खासदार शिंंदे यांच्या कार्यपध्दतीवर थोडा नाराज आहे. या नाराजांना सांभाळून महायुतीच्या पदाधिकाऱ्यांंनी प्रचाराचा धडाका उडविला आहे.
आमदार गणपत गायकवाड यांचा कल्याण पूर्व मतदारसंघ, २७ गाव, १४ गाव ते अंबरनाथ ग्रामीण खासदार समर्थकांंनी प्रचाराचा धुरळा उडविला आहे. या भागात मनसेचे कल्याण ग्रामीणचे आमदार प्रमोद पाटील प्रचारासाठी फिरत आहेत. कल्याण आणि भिवंंडी लोकसभा मतदारसंघात महायुतीच्या उमेदवारांविषयी काही प्रमाणात नाराजीचा सूर आहे. कल्याण लोकसभेत ठाकरे गटातून वैशाली दरेकर या मुख्यमंत्री पुत्र उमेदवारा विरुध्द लढत देत आहेत.
पंतप्रधान झाल्यानंतर नरेंद्र मोदी हे तिसऱ्यांदा कल्याणमध्ये येत आहेत. यापूर्वी देशाचा एकही पंतप्रधान कल्याणमध्ये फिरकला नव्हता. २०१४ मध्ये मोदी लोकसभा निवडणूक प्रचारासाठी कल्याणमध्ये आले होते. १८ डिसेंबर २०१८ मध्ये मोदी मुंबई महानगर प्रदेश प्राधिकरणाने आयोजित मेट्रो मार्ग प्रकल्पांसह सिडको गृहनिर्माण प्रकल्पांचे उद्घाटन करण्यासाठी कल्याणमधील फडके मैदानावर आले होते. यावेळी मोदींनी २१ मिनिटे भाषण केले होते. आता तिसऱ्यांदा मोदी कल्याणमध्ये येत आहेत.
हेही वाचा : एम. के. मढवी यांच्याविरोधातील तक्रारदार भाजपचा पदाधिकारी ?
भिवंडी लोकसभा मतदारसंघात महायुतीतर्फे भाजपचे केंद्रीय मंत्री कपील पाटील निवडणूक रिंगणात आहेत. या मतदारसंघात महाविकास आघाडीतर्फे सुरेश उर्फ बाळ्या मामा म्हात्रे, जिजाऊ विकास पक्षातर्फे नीलेश सांबरे निवडणूक लढवित आहेत. गेल्या दहा वर्षाच्या कालावधीत कपील पाटील यांनी भिवंडी लोकसभा मतदारसंघातील मुरबाड, शहापूर, भिवंडी ग्रामीण, पू्व, पश्चिम आणि कल्याण पश्चिम अत्यावश्यक विकास कामे मार्गी लावण्यात पुढाकार घेतला नाही. या भागातील लोकांच्या नागरी समस्या, किंंवा जनसंपर्क ठेवण्यात कमी पडले. त्याची किंमत आता कपील पाटील यांना प्रचाराच्यावेळी चुकती करावी लागत आहे. बाळ्या मामा, नीलेश सांबरे असे तगडे उमेदवार समोर असल्याने यावेळी कपील पाटील यांच्यासमोर आव्हानात्मक परिस्थिती आहे. या परिस्थितीवर मात करण्यासाठी मोदी यांच्या सभेचे कल्याणमध्ये आयोजन करण्यात आल्याचे समजते.
हेही वाचा : कल्याण: टिटवाळा जवळील म्हस्कळ गावातील श्री शंकर महाराज मंदिरात चोरी
कल्याण लोकसभा मतदारसंघातून महायुतीतर्फे शिवसेनेचे खासदार डाॅ. श्रीकांत शिंदे निवडणूक लढवित आहेत. उच्चशिक्षित उमेदवार म्हणून खासदार शिंदे यांच्या ख्याती आहे. गेल्या दहा वर्षाच्या कालावधीत अडीच हजाराहून अधिक कोटीचा निधी खासदार शिंदे यांनी विकास कामांसाठी कल्याण लोकसभा मतदारसंंघासाठी आणला.या भागात काँक्रीट रस्ते, नागरिकांचे अत्यावश्यक प्रकल्प मार्गी लावण्यात महत्वाची भूमिका बजावली. कल्याण-तळोजा, उल्हासनगर, बदलापूर मेट्रो मार्गी लावण्यात डाॅ. शिंदे यांचा मोलाचा वाटा आहे. विकास कामांचा खासदार शिंदे यांनी पाऊस पाडला असला तरी या भागातील एक वर्ग खासदार शिंंदे यांच्या कार्यपध्दतीवर थोडा नाराज आहे. या नाराजांना सांभाळून महायुतीच्या पदाधिकाऱ्यांंनी प्रचाराचा धडाका उडविला आहे.
आमदार गणपत गायकवाड यांचा कल्याण पूर्व मतदारसंघ, २७ गाव, १४ गाव ते अंबरनाथ ग्रामीण खासदार समर्थकांंनी प्रचाराचा धुरळा उडविला आहे. या भागात मनसेचे कल्याण ग्रामीणचे आमदार प्रमोद पाटील प्रचारासाठी फिरत आहेत. कल्याण आणि भिवंंडी लोकसभा मतदारसंघात महायुतीच्या उमेदवारांविषयी काही प्रमाणात नाराजीचा सूर आहे. कल्याण लोकसभेत ठाकरे गटातून वैशाली दरेकर या मुख्यमंत्री पुत्र उमेदवारा विरुध्द लढत देत आहेत.
