कल्याणमधील तरूणीची ८८ हजारांची फसवणूक

नीलम दुबे अशी फसवणूक झालेल्या तरूणीचे नाव आहे. ती शिक्षण घेत आहे. पोलिसांनी सांगितले, गेल्या महिन्यात तक्रारदार तरूणी नीलम दुबे सायंकाळच्या वेळेत अंधेरी ते घाटकोपर दरम्यान मेट्रोने प्रवास करत होती. यावेळी तिच्या मोबाईलवर एका अज्ञाताच्या मोबाईलवरून एक जुळणी (लिंक) आली. ही जुळणी कसली आहे म्हणून तिने ती उघडली. तरूणीचा मोबाईल क्रमांक बँक खात्याशी संलग्न असल्याने तरूणीने जुळणी (लिंक) उघडताच भामट्याने तिच्या बँक खात्यामधील ३९ हजार रूपये आणि पाठोपाठ ४९ हजार ५०० रूपये चलाखीने स्वत:च्या बँक खात्यात वळते केले.

आणखी वाचा

पुणे : शेअर बाजारात गुंतवणुकीच्या आमिषाने ८७ लाखांची फसवणूक

Nana Patole : निकालाआधी राजकीय घडामोडींना वेग; यातच…

स्वारगेट एसटी स्थानकात चोरट्यांचा उच्छाद, प्रवासी तरुणाकडील साडेसहा लाखांचे दागिने चोरीला

पोलीस असल्याच्या बतावणीने सराफाची फसवणूक; सोनसाखळी चोरून चोरटा पसार

पुणे : शेअर बाजारात गुंतवणुकीच्या आमिषाने २६ लाखांची फसवणूक

कर्करोगावरील उपचाराच्या नावाने फसवणूक

पुणे: आयुर्विमा पॉलिसीच्या नावाखाली तरुणीची १३ लाखांची फसवणूक

हेही वाचा : उद्धव ठाकरे व्यंगचित्रातून रावण रूपात; शिवसेनेच्या व्यंगचित्रातून थेट उद्धव ठाकरेंवर हल्लाबोल

ही रक्कम ॲमेझाॅनच्या खात्यात जमा झाल्याचा लघुसंदेश तरूणीला आला. आपण कोणत्याही वस्तुची खरेदी केली नाही तरी, आपल्या बँक खात्यामधून अचानक ८८ हजार ५०० रूपये कसे वळते झाले असा प्रश्न तक्रारदाराला पडला. एवढी मोठी रक्कम खात्यामधून वळती झाल्याने तरूणी अस्वस्थ झाली. तिने काही दिवसांनी बँकेत जाऊन चौकशी केली. त्यावेळी तिला भामट्याने ऑनलाईनद्वारे ही फसवणुक केल्याचे समोर आले. याप्रकरणी कोळसेवाडी पोलीस ठाण्यात याप्रकरणी गुन्हा दाखल झाला आहे. बँकेत जाऊन चौकशी करण्यास विलंब झाला. त्यामुळे तक्रार दाखल करण्यास उशीर झाला आहे, असे तिने तक्रारीत म्हटले आहे.