मुंबई -नाशिक महामार्गावर शेतीचा माल वाहून नेणाऱ्यांना चाकू हल्ला करत लुटले

ठाणे : अमदनगर येथील सिन्नर भागातून पेरू विक्रीसाठी आलेल्या मालवाहतुकदार आणि मजूरावर दोघांनी चाकू हल्ला करत त्यांना लुटल्याचा प्रकार मुंबई-नाशिक महामार्गावर उघडकीस आला आहे. याप्रकरणी नारपोली पोलीस ठाण्यात गुन्हा दाखल करण्यात आला आहे. सिन्नर येथे मजूर दिपक ननावरे आणि मालवाहतूकदार चेतन डमाळे वास्तव्यास आहेत. मंगळवारी ते सिन्नर येथून पेरूच्या फळांनी भरलेला ट्रक घेऊन मिरारोड येथे गेले होते. या पेरूंचे चेतन यांना १७ हजार रुपये मिळाले. त्यामुळे बुधवारी पहाटे ४ वाजता ते मुंबई नाशिक महामार्गावरून सिन्नरच्या दिशेने निघाले. त्यांचा ट्रक मानकोली भागात आला असता, दुचाकीवरून एक महिला आणि तिचा साथीदार आला. त्यांनी ट्रक अडविला. तसेच ते दोघे ट्रकमध्ये शिरले. त्या दोघांच्या हातामध्ये चाकू होते.