टोईंग वाहनाचे चित्रीकरण प्रसारित करणाऱ्यांविरोधात गुन्हा दाखल

त्याचे चित्रीकरण समाजमाध्यमांवर प्रसारित झाले होते. यामध्ये चेतन चिटणीस नावाच्या व्यक्तीने टोईंग वाहन चालकाकडे वाहन परवान्याची तसेच टोईंग वाहनाच्या कागदपत्रांची मागणी केली. त्यावेळी संबंधित चालकाकडे वाहन परवाना नसल्याचे चित्रीकरणामध्ये दिसत होते. हे चित्रीकरण सोमवारी दिवसभर ट्विटर, फेसबुक, इन्टाग्राम या समाजमाध्यमांवर प्रसारित झाले होते. या प्रकरणात ठाणे पोलिसांनी चिटणीस आणि टेलर या दोघांविरोधात तक्रार दाखल केली आहे.

हेही वाचा : कल्याणमध्ये भटक्या कुत्र्यांचा पाच जणांना चावा, भटक्या कुत्र्यांच्या उपद्रवाने नागरिक हैराण

चेतन चिटणीस आणि रुतू टेलर यांनी शासकीय कामात अडथळा आणला. तसेच टोईंग वाहनावर काम करणाऱ्या कर्मचाऱ्यांना फटके मारण्याची धमकी देत चिथावणी दिली. टोईंग वाहनावरील चालकाने वाहन परवान्याची छायांकित प्रत दाखवली, असे असतानाही चिटणीस आणि टेलर यांनी टोईंग वाहनावरील वाहने सोडण्याची जबरदस्ती केली. त्यानंतर टोईंग वाहन जाऊ दिले, असे तक्रारीत म्हटले आहे. याप्रकरणी चिटणीस आणि टेलर यांच्याविरोधात वर्तकनगर पोलीस ठाण्यात गुन्हा दाखल करण्यात आला आहे.