ठाणे : मतदानाचा टक्का वाढावा तसेच दिव्यांग आणि ८५ वर्षावरील नागरिकांना मतदानाचा हक्क बजावता यावा यासाठी भारत निवडणूक आयोगामार्फत गृह मतदानाची सुविधा उपलब्ध करण्यात आली आहे. ज्या ज्येष्ठ आणि दिव्यांग व्यक्तींना आजारपणामुळे घराबाहेर पडता येत नाहिये, अशा नागरिकांसाठी ही सुविधा असून जिल्ह्यातील ९३३ नागरिकांनी गृह मतदानासाठी निवडणूक आयोगाकडे अर्ज केले आहेत. जिल्ह्यात गृह मतदानास आज पासून सुरुवात होणार आहे. प्रत्येक विधानसभा मतदार संघाला गृह मतदानासाठी वेगवेगळा दिवस ठरविण्यात आला असून मतदानाच्या दोन दिवस अगोद पर्यंत गृहमतदार सुरु राहणार असल्याची माहिती ठाणे जिल्हा निवडणूक विभागाकडून देण्यात आली.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

दिव्यांग व्यक्ती तसेच ८५ वर्षावरील काही ज्येष्ठ नागरिकांना घराबाहेर पडून मतदान करणे शक्य होत नसते. यामुळे गेल्या काही निवडणूकांमध्ये मतदानाचा टक्का घसरल्याचे दिसून आले होते. परंतू, मतदानाचा टक्का वाढावा यासाठी भारत निवडणूक आयोगामार्फत विविध उपाययोजना हाती घेण्यात आल्या आहेत. मतदान जनजागृतीसह दिव्यांग आणि ८५ वर्षावरील नागरिकांना घर बसल्या मतदानाचा हक्क बजावता यावा यासाठी गृह मतदानाची सुविधा उपलब्ध करण्यात आली आहे. लोकसभा निवडणूकीमध्येही गृह मतदान पार पडले. याला नागरिकांचा उत्तम प्रतिसाद मिळाला. त्यानुसार, विधानसभा निवडणूकीच्या पार्श्वभूमीवर देखील गृह मतदानाची सुविधा उपलब्ध करण्यात आली आहे. ठाणे जिल्ह्यात आज पासून मतदानाला सुरुवात होणार आहे. जिल्ह्यात ९५ हजार १२५ दिव्यांग आणि ८५ वर्षावरील नागरिकांचा समावेश आहे. यातून ९३३ नागरिकांचे गृह मतदानासाठी निवडणूक विभागाकडे अर्ज प्राप्त झाले आहेत. यात, भिवंडी ग्रामीणमधील ८५, कल्याण पश्चिम ४०, अंबरनाथ ८५, कल्याण पूर्व ३८, ओवळा-माजिवडा ६६, मुंब्रा कळवा २३, कल्याण ग्रामीण ३४ दिव्यांग आणि ८५ वर्षावरील नागरिकांचा समावेश आहे. तर, उर्वरित ५६२ नागरिक हे इतर मतदार संघातील आहेत, अशी माहिती सुत्रांनी दिली. आज पासून या मतदानाला सुरुवात होणार असून मतदानाच्या दोन दिवस अगोदर पर्यंत गृह मतदानाची प्रक्रिया पार पडणार आहे.

नक्की वाचा

हेही वाचा : निवडणूक प्रचारासाठी ठाण्यात ९४ रथांना परवानगी

काय आहे गृह मतदानाची प्रक्रिया

४० टक्के अपंगत्व आणि ८५ वर्षावरील वृध्द यांच्याकरिता भारत निवडणूक आयोगामार्फत १२ डी नमुना अर्ज उपलब्ध करुन देण्यात आला होता. त्यापैकी प्राप्त झालेल्या अर्जांवर निर्णय घेण्यात आला. त्यानुसार, मंजूर अर्जांच्या यादीनुसार विधानसभानिहाय मतदारसंघाद्वारे ८५ वर्षापेक्षा जास्त वय असलेल्या आणि दिव्यांग मतदारांच्या घरी जावून त्यांचे मतदान घेतले जाणार आहे.

दिव्यांग व्यक्ती तसेच ८५ वर्षावरील काही ज्येष्ठ नागरिकांना घराबाहेर पडून मतदान करणे शक्य होत नसते. यामुळे गेल्या काही निवडणूकांमध्ये मतदानाचा टक्का घसरल्याचे दिसून आले होते. परंतू, मतदानाचा टक्का वाढावा यासाठी भारत निवडणूक आयोगामार्फत विविध उपाययोजना हाती घेण्यात आल्या आहेत. मतदान जनजागृतीसह दिव्यांग आणि ८५ वर्षावरील नागरिकांना घर बसल्या मतदानाचा हक्क बजावता यावा यासाठी गृह मतदानाची सुविधा उपलब्ध करण्यात आली आहे. लोकसभा निवडणूकीमध्येही गृह मतदान पार पडले. याला नागरिकांचा उत्तम प्रतिसाद मिळाला. त्यानुसार, विधानसभा निवडणूकीच्या पार्श्वभूमीवर देखील गृह मतदानाची सुविधा उपलब्ध करण्यात आली आहे. ठाणे जिल्ह्यात आज पासून मतदानाला सुरुवात होणार आहे. जिल्ह्यात ९५ हजार १२५ दिव्यांग आणि ८५ वर्षावरील नागरिकांचा समावेश आहे. यातून ९३३ नागरिकांचे गृह मतदानासाठी निवडणूक विभागाकडे अर्ज प्राप्त झाले आहेत. यात, भिवंडी ग्रामीणमधील ८५, कल्याण पश्चिम ४०, अंबरनाथ ८५, कल्याण पूर्व ३८, ओवळा-माजिवडा ६६, मुंब्रा कळवा २३, कल्याण ग्रामीण ३४ दिव्यांग आणि ८५ वर्षावरील नागरिकांचा समावेश आहे. तर, उर्वरित ५६२ नागरिक हे इतर मतदार संघातील आहेत, अशी माहिती सुत्रांनी दिली. आज पासून या मतदानाला सुरुवात होणार असून मतदानाच्या दोन दिवस अगोदर पर्यंत गृह मतदानाची प्रक्रिया पार पडणार आहे.

नक्की वाचा

हेही वाचा : निवडणूक प्रचारासाठी ठाण्यात ९४ रथांना परवानगी

काय आहे गृह मतदानाची प्रक्रिया

४० टक्के अपंगत्व आणि ८५ वर्षावरील वृध्द यांच्याकरिता भारत निवडणूक आयोगामार्फत १२ डी नमुना अर्ज उपलब्ध करुन देण्यात आला होता. त्यापैकी प्राप्त झालेल्या अर्जांवर निर्णय घेण्यात आला. त्यानुसार, मंजूर अर्जांच्या यादीनुसार विधानसभानिहाय मतदारसंघाद्वारे ८५ वर्षापेक्षा जास्त वय असलेल्या आणि दिव्यांग मतदारांच्या घरी जावून त्यांचे मतदान घेतले जाणार आहे.