ठाणे जिल्ह्यात ‘पिपाणी’मुळे ‘तुतारी वाजविणाऱ्यां’ची डोकेदुखी ?

ठाणे जिल्ह्यात एकूण १८ विधानसभेच्या जागा आहेत. महाविकास आघाडीने येथील मुंब्रा-कळवा, शहापूर, उल्हासनगर, बेलापूर आणि मुरबाड या मतदारसंघात महायुतीसमोर उमेदवार उभे केले आहेत. यातील मुंब्रा कळवा मतदारसंघात जितेंद्र आव्हाड, शहापूर मतदारसंघातून पांडुरंग बरोरा, उल्हासनगर मतदारसंघातून ओमी कलानी, बेलापूरमधून संदीप नाईक तर मुरबाड मतदारसंघातून सुभाष पवार हे निवडणूक लढवित आहेत.

नक्की वाचा

Eknath Shinde : एकनाथ शिंदेंच्या कामांना कोपरी पाचपाखाडी मतदारसंघात किती मार्क्स? काय म्हणत आहेत ठाणेकर?

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

Madhurima Raje : सतेज पाटील ज्यांच्यामुळे ढसाढसा रडले त्या मधुरिमा राजे कोण आहेत?

ठाकरे गटाचा माजी आमदार शिंदे गटात; उद्धव ठाकरे यांना मोठा धक्का

Parambir Singh : “उद्धव ठाकरे, शरद पवारांच्या सांगण्यावरुन लक्ष्मीकांत पाटील..”, परमबीर सिंग जस्टिस चांदिवाल यांच्या दाव्यावर काय म्हणाले?

Raj Thackeray : “आमच्याकडे शरद पवार नावाचे संत जन्माला आले त्यांनी जातीपातींमध्ये..”, राज ठाकरेंची बोचरी टीका

भुजबळ यांच्या दाव्याने नवे वादळ; ‘ईडीपासून मुक्तीसाठी भाजपबरोबर; ओबीसी असल्याने कारवाई’

Raj Thackeray : “एकदा एक कॅमेरावाला बाथरूमपर्यंत…”, राज ठाकरेंनी सांगितली पूर्वीच्या आचारसंहितेच्या काळातील गंमत!

लोकसभा निवडणूकीत अनेक ठिकाणी पिपाणी या चिन्हावर अपक्ष उमेदवार निवडणूक लढवित होते. या निवडणूकांमध्ये पिपाणी चिन्हावरील उमेदवारावर हजारांच्या घरात मतदान झाले होते. काही दिवसांपूर्वीच फलटणमधील सभेत उपमुख्यमंत्री अजित पवार यांनीही आमच्या छत्रपतींना (उदयनराजे भोसले) ‘पिपाणी’ने वाचविले असे म्हटले होते. या लोकसभा मतदारसंघात ट्रम्पेट या चिन्हावर ३७ हजारांचे मतदान झाले होते. इतर अनेक मतदारसंघामध्ये अशीच परिस्थिती होती.

विधानसभा निवडणूकीमध्येही जिल्ह्यातील शरद पवार गटाच्या पाचही उमेदवारांपुढे पिपाणीने डोकेदुखी वाढण्याची शक्यता वर्तविली जात आहे. त्यामुळे आता प्रचाराच्या माध्यमातून उमेदवार, त्यांच्या पदाधिकाऱ्यांना पिपाणी आणि तुतारी वाजविणारा माणूस या दोन्ही चिन्हाचा फरक पटवून द्यावा लागत आहे.

शहापूर मतदारसंघात सुभाष गोटीराम पवार हे शरद पवार गटाचे उमेदवार आहेत. त्यांच्याविरोधात भाजपचे किसन कथोरे निवडणूक लढवित आहेत. या मतदारसंघात सुभाष शांताराम पवार या अपक्ष उमेदवाराला ट्रम्पेट हे चिन्ह मिळाले आहे.

मुंब्रा कळवा विधानसभा मतदारसंघात जितेंद्र आव्हाड हे निवडणूक लढवित असून त्यांच्याविरोधात राष्ट्रवादी अजित पवार गटाचे नजीब मुल्ला निवडणूक लढवित आहेत. तर या मतदारसंघात अपक्ष उमेदवार अमीर अब्दुल्ला अन्सारी हे ट्रम्पेट चिन्हावर निवडणूक लढवित आहेत.

हे ही वाचा… ठाणे : आचार संहितेच्या काळात २३ कोटी रुपयांचा मुद्देमाल जप्त; लाखो लिटर दारू; ६ कोटींचे मोफत वाटप साहित्य; १ कोटींचे अंमली पदार्थ

बेलापूर मतदारसंघातून गणेश नाईक यांचे पुत्र संदीप नाईक हे शरद पवार गटाकडून निवडणूक लढवित आहेत. या मतदारसंघात अपक्ष उमेदवार प्रफुल्ल म्हात्रे यांना ट्रम्पेट हे चिन्ह मिळाले आहे.

शहापूर मतदारसंघातून पांडुरंग बरोरा हे शरद पवार गटाकडून निवडणूक लढवित आहेत. तर या मतदारसंघातून रमा बाळू शेंडे उर्फ रुपाली रविकांत आरज यांना ट्रम्पेट चिन्ह मिळाले आहे.

उल्हासनगर मतदारसंघातून शरद पवार गटाकडून ओमी कलानी निवडणूक लढवित आहेत. तर या मतदारसंघात सयानी मन्नु या अपक्ष उमेदवाराला ट्रम्पेट चिन्ह मिळाले आहे.