ठाणे: रेमंड इमारतीतील उद्वाहक कोसळले, ११ वर्षीय मुलगा जखमी

शुभ मंगरूळकर असे जखमी मुलाचे नाव आहे. त्याच्या डाव्या पायाला किरकोळ दुखापत झाल्याचे ठाणे महापालिकेच्या आपत्ती व्यवस्थापन विभागाने स्पष्ट केले. वर्तकनगर येथील रेमंड कंपनीच्या जागेत रेमंड रिॲलिटीचे ४२ मजल्याचे काही टाॅवर आहेत. यातील विस्टा या टाॅवरमधील ए विंगमधील उद्वाहक तळमजल्यावरून वरील मजल्यावर जात होते. या उद्वाहकामध्ये ११ व्या मजल्यावर राहणारे शुभ, ३७ व्या मजल्यावर राहणारे नरेश आणि दोन कामगार होते. उद्वाहक पहिल्या मजल्यावर आले असता, अचानक या उद्वाहकाची दोरी तुटली. त्यामुळे उद्वाहक तळ मजल्यावर कोसळले. उद्वाहकामधील काचा देखील फुटल्या. तसेच मोठा आवाज झाला. या घटनेत शुभ यांच्या डाव्या पायाला दुखापत झाली.

नक्की वाचा

“अशा श्रीमंतीचा काय उपयोग?” आलिशान बीएमडब्ल्यूमधून आलेल्या महिलेचं रात्री १२ वाजता लाजीरवाणं कृत्य; VIDEO व्हायरल

महायुतीला सत्ता मिळाली, लाडक्या बहिणींना २१०० रुपये कधीपासून…

५०० वर्षांनी दिवाळीला शनि आणि गुरुचा होणार दुर्मिळ संयोग! या राशींचे सुरू होणार चांगले दिवस, करिअमध्ये प्रगतीसह मिळेल पैसाच पैसा

दिवा रेल्वे फाटकातील वाहन कोंडीमुळे  लोकल, एक्सप्रेस खोळंबल्या; शिळफाटा वाहन कोंडीत

Ratan Tata Will: रतन टाटांनी १० हजार कोटींची संपत्ती सोडली, इच्छापत्रात श्वानाचीही केली सोय; नोकर, भाऊ-बहीण, शंतनू नायडूचाही उल्लेख

नाद करायचा नाय! Royal Enfield आणतेय ‘ही’ नवीकोरी बाईक, कमाल फिचर्स, दमदार परफॉरमन्स अन् किंमत…

Bigg Boss 18: चौथ्या आठवड्यात ‘हा’ सदस्य झाला एलिमिनेट, घराबाहेर जाण्यापासून शिल्पा शिरोडकरसह सुरक्षित झाले ‘हे’ सहा सदस्य

हेही वाचा : कल्याण पूर्वेत सुलभा गायकवाड यांचे काम न करण्याचा शिवसेना नगरसेवकांचा इशारा

हा अपघात घडल्यानंतर रहिवाशांमध्ये भीतीचे वातावरण पसरले. घटनेची माहिती ठाणे महापालिकेच्या अग्निशमन दल आणि आपत्ती व्यवस्थापन विभागाला मिळाल्यानंतर घटनास्थळी पथके दाखल झाली. रहिवाशांकडून या घटनेविषयी संताप व्यक्त केला जात होता. अवघ्या दीड वर्षांत इमारतीमधील उद्वाहक कोसळल्याने उद्वाहकाच्या देखभाल दुरुस्तीचा प्रश्न ऐरणीवर आला आहे. वर्तकनगर पोलीस घटनास्थळी दाखल झाल्यानंतर रहिवाशांनी पोलीस ठाण्यात तक्रार नोंदविण्यासाठी धाव घेतल्याची प्राथमिक माहिती समोर येत आहे.