“दाढी वाढवली म्हणजे, कोणी दिघे साहेब होत नाही”, ठाकरे गटाचे खासदार राजन विचारे यांची टीका

शिवसेना आणि ठाणे शहर हे वेगळे समीकरण आहे. शिवसेनेचे दिवंगत नेते आनंद दिघे यांनी तळागाळातील अनेक शिवसैनिकांना घडविले. मुख्यमंत्री एकनाथ शिंदे आणि खासदार राजन विचारे हे त्यापैकी आहेत. या दोघांनाही ठाण्यात आनंद दिघे यांचे शिष्य मानले जाते. आनंद दिघे यांच्या निधनानंतर काही वर्षांनी ठाण्यातील शिवसेनेची सुत्र एकनाथ शिंदे यांच्याकडे आली होती. एकनाथ शिंदे यांनी उद्धव ठाकरे यांची साथ सोडली आहे. तर खासदार राजन विचारे हे अद्यापही उद्धव ठाकरे यांच्यासोबत आहे. राजन विचारे यांना उद्धव ठाकरे यांनी ठाणे लोकसभा निवडणूक लढविण्याची पुन्हा एकदा संधी दिली आहे. तर दुसरीकडे महायुतीचा ठाणे लोकसभेचा उमेदवार ठरलेला नाही. असे असले तरी राजन विचारे यांनी ठाणे, नवी मुंबई आणि मिरा भाईंदर शहरात नागरिकांच्या गाठीभेटी घेण्यास सुरू केल्या आहेत. तसेच समाजमाध्यमांचा वापरही करण्यास सुरूवात केली आहे.

आणखी वाचा

“गद्दारांनी गुवाहाटीचा डोंगर बघितला, आता त्यांना टकमक टोक दाखवायचंय”, उद्धव ठाकरेंची शहाजीबापू पाटलांवर घणाघाती टीका!

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

सुलभा गायकवाडांच्या प्रचारासाठी अखेर खासदार शिंदे मैदानात

ठाकरे गटाचा माजी आमदार शिंदे गटात; उद्धव ठाकरे यांना मोठा धक्का

लक्षवेधी लढत: परांडा : तानाजी सावंतांसमोर शरद पवार गटाचे आव्हान

Raj Thackeray : राज ठाकरेंची उद्धव ठाकरेंवर जोरदार टीका, “बाळासाहेब ठाकरे म्हणाले होते माझ्या शिवसेनेची काँग्रेस होताना दिसली तर..”

ठाण्यातील स्वपक्षीय नाराजांची मुख्यमंत्र्यांकडून समजूत,प्रचाराला लागण्याचे आदेश; केळकर यांनाही कार्यकर्त्यांना जपण्याचा सल्ला

‘मशि‍दीवरील भोंगे उतरणार नाहीत आणि राज ठाकरेंची सत्ताही कधी येणार नाही’, रामदास आठवलेंची खोचक टीका

हेही वाचा : जितेंद्र आव्हाड म्हणतात, निवडणुक रोख्यांमुळेच टोरंटची दादागिरी वाढली

काही महिन्यांपूर्वी शिवसेना ठाकरे गटाचे नेते आदेश बांदेकर यांनी खासदार राजन विचारे यांची मुलाखात घेतली होती. या मुलाखतीमध्ये आदेश बांदेकर यांनी एक प्रश्न विचारला होता. ‘काहीजण आपण दिघे साहेबांचे खरे पट्टशिष्य आहोत असे म्हणतात नेमकी परिस्थिती काय? असे बांदेकर यांनी राजन विचारे यांना विचारले. त्यावर उत्तर देताना राजन विचारे म्हणाले की, दाढी वाढविली म्हणजे, दिघे साहेब होता येत नाही. दिघे साहेब हे व्यक्तीमत्त्व एकदाच होऊ शकते. असे व्यक्तीमत्त्व पुन्हा होऊ शकत नाही. दाढी वाढवून, चेहरे बदलून डुप्लिकेटगिरी करून, दिघे साहेब किंवा बाळासाहेब होता येत नसते. त्यासाठी तशी कामे करावी लागतात. असा टोला त्यांनी लगावला आहे.