ठाणे : पूर्व द्रुतगती महामार्गावरील कॅडबरी जंक्शन भागात भरधाव बसगाडीने दुचाकीला दिलेल्या धडकेत राकेश बंगेरा (५२) यांचा मृत्यू झाला. तर त्यांचा मुलगा विशाल (१७) या घटनेत जखमी झाला. या प्रकरणी राबोडी पोलीस ठाण्यात गुन्हा दाखल करण्याची प्रक्रिया सुरू होती. हेही वाचा : जनतेचा टोल आक्रोश मुख्यमंत्र्यांनाही परवडणारा नाही – राज ठाकरे घोडबंदर येथील हिरानंदानी इस्टेट भागात राहणारे राकेश हे त्यांच्या मुलासह दुचाकीने ठाणे रेल्वे स्थानकाच्या दिशेने जात होते. त्यांची दुचाकी कॅडबरी जंक्शन भागात आली असता, एका भरधाव खासगी बसगाडीने त्यांच्या दुचाकीला धडक दिली. या घटनेत राकेश यांचा जागीच मृत्यू झाला. तर विशाल यांच्या पायाला दुखापत झाली आहे. याप्रकरणी राबोडी पोलीस ठाण्यात गुन्हा दाखल करण्याची प्रक्रिया सुरू होती.
