घोडबंदर मार्गावर कंटेनर उलटला; दोन्ही मार्गावर वाहतूक कोंडी

ठाणे : घोडबंदर येथील फाऊंटन भागात ठाण्याहून वसईच्या दिशेने जाणारा कंटेनर उलटल्याने घोडबंदर मार्गावर फाऊंटन हॉटेल ते ओवळेपर्यंत वाहतूक कोंडी झाली आहे. या वाहतूक कोंडीमुळे ठाण्याहून बोरिवली, वसई आणि गुजरातच्या दिशेने वाहतूक करणाऱ्या मार्गावर वाहनांच्या रांगा लागल्या आहेत. या वाहतूक कोंडीचा परिणाम ठाण्याच्या दिशेने येणाऱ्या मर्गिकेवरही झाला आहे.