कल्याणफाटा भागात आजपासून प्रायोगिक तत्त्वावर वाहतुक बदल

ठाणे : कल्याण फाटा येथील एमआयडीसी जलवाहिनी मार्गावर आज, मंगळवारपासून प्रायोगिक तत्त्वावर तीन दिवसीय वाहतुक बदल लागू केले जाणार आहेत. सायंकाळी ५.३० ते रात्री १० वाजेपर्यंत येथील वाहतुक एकेरी पद्धतीने सोडली जाणार आहे. त्यामुळे महापे रोड, शिळफाटा, कल्याणफाटा भागात वाहतुक कोंडीचा सामना वाहन चालकांना सहन करावा लागणार आहे. कल्याण, डोंबिवली भागातून अनेकजण कामानिमित्ताने नवी मुंबई भागात जात असतात. वाहन चालक कल्याणफाटा येथून महापे मार्गावर जाण्यासाठी एमआयडीसी जलवाहिनी मार्गाचा वापर करत असतात. या मार्गाच्या दोन्ही बाजूस जलवाहिनी आहेत. या जलवाहिन्या जीर्ण झाल्या असून त्याठिकाणी नव्याने जलवाहिनी टाकण्याचे काम महाराष्ट्र औद्योगिक विकास महामंडळाकडून (एमआयडीसी) हाती घेतले जाणार आहे.

हेही वाचा : ग्रंथाभिसरण वाचनालयाचा अमृत महोत्सवी सोहळा, अंबरनाथ येथे विविध सांस्कृतिक कार्यक्रमांचे आयोजन

आणखी वाचा

२१०० कोटींचा तुळजाभवानी तीर्थक्षेत्र विकास आराखडा मान्यतेसाठी मुख्यमंत्र्यांकडे सादर, आमदार पाटील यांची माहिती

Ravindra Chavan : ‘उपरा’ डोंबिवलीकर ते भाजप प्रदेश…

बदलापूर : रासायनिक सांडपाणी वाहिनीचा प्रश्न सुटणार! १२८ कोटींच्या भुयारी गटार योजनेला सुरुवात, जुनी वाहिनी बदलणार

मढ मार्वे मार्गावरील रस्ते कामात नियोजनाचा अभाव, वाहतूक कोंडीमुळे पाऊण तासाच्या प्रवासासाठी अडीच तास प्रतीक्षा

कल्याण : २७ गावांचे पाण्याचे दुर्भिक्ष्य संपणार, अमृत योजनेमुळे २७ गावांमध्ये १०५ दलघमी पाण्याची साठवण

उजनीतून एप्रिलपर्यंत शेतीसाठी पाण्याची तीन आवर्तने, पहिल्या आवर्तनासाठी १४.१७ टीएमसी पाणी

विश्लेषण : मुंबई – नागपूर ८ तासांत, मुंबई – पुणे सुसाट… नवे वर्ष रस्ते विकासाचे?

मुंबई नाशिक महामार्गाच्या रुंदीकरणाचे ६४ टक्के काम पूर्ण; मे अखेरीस पूर्ण करण्याचे एमएसआरडीसीपुढे आव्हान

तसेच बुलेट ट्रेन प्रकल्पासाठी बोगद्याचे खोदकाम, खांबाची उभारणी अशी कामेही या मार्गिकेलगत केली जाणार आहेत. या कामांमुळे एमआयडीसी मार्गिकेवरील रस्त्यावर कोंडी होण्याची शक्यता आहे. या कोंडीचा परिणाम काय होऊ शकतो, वाहतुक बदल कसे करता येतील याचा अभ्यास करण्यासाठी ठाणे वाहतुक पोलिसांनी २८ ते ३० नोव्हेंबर या कालावधीत प्रायोगिक तत्त्वावर वाहतुक बदल लागू केले आहेत. दररोज सायंकाळी ५.३० ते रात्री १० वाजेपर्यंत वाहतुक बदल लागू राहतील. या तीन दिवसांत वाहतुक एकेरी पद्धतीने सोडण्यात येणार आहे. त्यामुळे महापे, कल्याणफाटा आणि शिळफाटा मार्गावर वाहनांचा भार वाढून कोंडीची शक्यता वर्तविली जात आहे.