कल्याणमधील स्वच्छतेची अतिरिक्त आयुक्तांकडून दुचाकीवरून पाहणी

कल्याण- कल्याण, डोंबिवली शहरांमध्ये नियमित घनकचरा विभागाकडून शहराचा प्रत्येक कोपरा साफ केला जातो की नाही याची पाहणी करण्यासाठी मंगळवारी अतिरिक्त आयुक्त मंगेश चितळे यांनी कल्याण शहराचा दुचाकीवरून पाहणी दौरा केला.यावेळी घनकचरा विभागाचे अधिकारी त्यांच्या सोबत होते. कल्याण, डोंबिवली शहरे कचरा मुक्त करण्यासाठी प्रशासनाकडून विशेष मोहिमा सुरू आहेत. दिवाळीतही शहराच्या प्रत्येक भागात स्वच्छता असली पाहिजे. शहरात नियमित स्वच्छता केली जाते की नाही याची पाहणी करण्यासाठी मंगळवारी अतिरिक्त आयुक्त मंगेश चितळे यांनी अचानक कल्याण शहराच्या वसंत व्हॅली, मोहन अल्टिझा, विद्यापीठ रस्ता, गोदरेज हिल रस्ता, जेल रस्ता, बिर्ला महाविद्यालय रस्ता भागाची पाहणी केली

काही ठिकाणी चितळे यांना कचरा दिसला. त्यांनी अशाप्रकारे कोठेही कचरा दिसता कामा नये, अशा सूचना केल्या. दैनंदिन शहरातील कानेकोपरे स्वच्छ झालेच पाहिजेत, अशा सूचना चितळे यांनी आरोग्य अधिकाऱ्यांना केल्या. यावेळी मुख्य स्वच्छता अधिकारी वसंत देगलुरकर, उपमुख्य स्वच्छता अधिकारी मोहिनीश गडे, अविनाश मांजरेकर उपस्थित होते. डोंबिवलीतही अशीच पाहणी केली जाणार आहे.

आणखी वाचा

विविध सेवा विनाविलंब उपलब्ध करा; मुख्यमंत्री फडणवीस यांची सूचना; जिल्हा सुशासन निर्देशांक अहवालाचे प्रकाशन

वाल्मिक कराड ज्या गाडीतून शरण आला त्या गाडीच्या…

वायू प्रदूषण नियंत्रण नियमावलीचे उल्लंघन करणाऱ्या २८ बांधकामांना पालिकेची नोटीस

कल्याण न्यायालयातील कर्तव्यावरील अकरा पोलीस निलंबित

बारवीच्या जांभूळ जलशुद्धीकरण केंद्रात दुरूस्ती; उल्हासनगरसह अंबरनाथ, बदलापुरातील पाणी पुरवठा २४ तास बंद

अमरावती : थंडीची लाट…! विभागीय आयुक्तांनी काय दिला इशारा?

बोरिवलीची हवा ‘अतिवाईट’, मुंबईत हवा प्रदूषणाचे सत्र सुरूच

नाशिकमध्ये येणाऱ्या पीयूष गोयल यांना कांदा निर्यात शुल्क हटविण्यासाठी साकडे