ठाणे पोलिसांकडून साहाय्यक आयुक्त महेश आहेर यांची चौकशी

काही दिवसांपूर्वीच राष्ट्रवादीने एक ध्वनिफीत समाजमाध्यमांवर प्रसारित केली होती. या ध्वनिफीतमध्ये आमदार जितेंद्र आव्हाड यांच्या जावयाला गुंडामार्फत जिवे मारण्याची धमकी देण्यात येत होती. या ध्वनिफीतमधील आवाज हा साहाय्यक आयुक्त महेश आहेर यांचा असल्याचा आरोप आमदार जितेंद्र आव्हाड यांनी केला होता. त्यानंतर आहेर यांना महापालिका मुख्यालयाच्या प्रवेशद्वारावर राष्ट्रवादीच्या पदाधिकाऱ्यांनी मारहाण केली होती. याप्रकरणात आव्हाड यांच्यासह राष्ट्रवादीच्या पदाधिकाऱ्यांवर हत्येचा प्रयत्न केल्याप्रकरणी गुन्हा दाखल करण्यात आला होता. तर आव्हाड यांनीही आहेर यांच्याविरोधात वर्तकनगर पोलीस ठाण्यात तक्रार दिली होती. पंरतु आहेर यांच्याविरोधात ठाणे पोलिसांकडून कारवाई होत नसल्याचा आरोप आव्हाड यांनी केला होता. त्यानंतर उपमुख्यमंत्री व गृहमंत्री देवेंद्र फडणवीस यांनी आहेर यांची राज्य गुन्हे अन्वेषण विभागामार्फत (सीआयडी) स्वतंत्र चौकशी करण्याचे आदेश दिले आहेत.

आणखी वाचा

पंतप्रधान मोदी देशभरातील मुख्य सचिवांशी साधणार दोन दिवस संवाद

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

Parliament Session : सभापतींना हटवण्यावरून राज्यसभेत गोंधळ, सलग दुसऱ्या दिवशी सभागृहाचं कामकाज स्थगित

शिवसेनेत फिरती मंत्रीपदे; इच्छुक, नाराजांना थोपविण्यासाठी शिंदे यांचा तोडगा

शिवसेनेत अडीच-अडीच वर्षे मंत्रिपदे ?

मुख्यमंत्र्यांचे प्रशासनाला १०० दिवसांचे लक्ष्य

Eknath Shinde : “कर्नाटक सरकारचा दडपशाहीचा प्रयत्न”, उपमुख्यमंत्री एकनाथ शिंदेंनी सुनावलं

मतदान यंत्रांमध्ये फेरफार नसल्याचे शपथ घेणाऱ्या विरोधकांना पटले का? उपमुख्यमंत्री एकनाथ शिंदे यांचा सवाल

हेही वाचा – ठाणे महापालिकेचा अर्थसंकल्प येत्या मंगळवारी जाहीर होणार

हेही वाचा – डोंबिवलीत दहशत माजविणाऱ्या फेरीवाल्यांवर गुन्हे

ठाणे गुन्हे अन्वेषण शाखेचे पोलीस उपायुक्त शिवराज पाटील यांनी गुरुवारी आहेर यांना चौकशीसाठी बोलावले होते. सुमारे तासभर आहेर यांची चौकशी करण्यात आली. विक्रांत चव्हाण यांनी केलेल्या आरोपांविषयी ही चौकशी करण्यात आल्याची माहिती सुत्रांनी दिली. काँग्रेसचे ठाणे शहराध्यक्ष आणि माजी नगरसेवक विक्रांत चव्हाण यांनीही आहेर यांच्यापासून कुटुंबियांना धोका असल्याचा आरोप केला होता. तसेच त्यांच्याविरोधात कारवाई करण्याची त्यांनी मागणीही केली होती. त्यासंदर्भाचे तक्रार चव्हाण यांनी ठाणे पोलीस आयुक्त जयजीत सिंग यांच्याकडे केली होती. सीआयडी आणि आता ठाणे गुन्हे अन्वेषण शाखेकडूनही चौकशी सुरू झाल्याने आहेर यांच्या अडचणी वाढल्या आहेत.