जादा परताव्याच्या आमिषाने गुतंवणूकदारांची कोट्यवधी रुपयांना फसवणूक, सॅमसन युनिट्रेड कंपनीचा संचालक अटकेत

याप्रकरणात आतापर्यंत चार ते पाच गुंतवणूकदारच पुढे आले आहेत. परंतु गुंतवणूकदारांची संख्या शेकडोच्या घरात असून याबाबत आता तक्रारी पुढे येण्याची शक्यता आहे. फसवणूक झालेले बहुतांश ठाणे, मुंबई, पुणे भागातील सेवा निवृत्त आहेत. आयुष्यातील जमा पुंजी त्यांनी यात गुंतविली आहे.
वागळे इस्टेट येथे २०२१ मध्ये समीर थिटे याने सॅमसन युनिट्रेड कंपनी स्थापन केली होती. त्यांच्या कंपनीमध्ये पैसे गुंतविल्यास दरमहा पाच ते आठ टक्के परतावा मिळेल असे सांगण्यात आले होते. त्यासाठी त्याने काही वृत्तपत्रांमध्ये जाहिरात दिली होती. त्यामुळे ठाणे, मुंबई, पुणे भागातील अनेकांनी या कंपनीत पैसे गुंतवण्यास सुरुवात केली होती. कमीत-कमी ५० हजार रुपयांची गुंतवणूक यामध्ये करावी लागत होती. त्यासाठी समीर थिटे हा गुंतवणूकदारांसोबत वार्षिक करारपत्र तयार करत होता.

आणखी वाचा

पुणे: आयुर्विमा पॉलिसीच्या नावाखाली तरुणीची १३ लाखांची फसवणूक

Devendra Fadnavis Income : उपमुख्यमंत्र्यांची एकूण संपत्ती किती?…

सोलापूर जिल्हा बँक घोटाळ्याची ३२ तत्कालीन संचालकांवर जबाबदारी, ११०३ कोटी रुपये गैरव्यवहार प्रकरण, ऐन निवडणुकीत निर्णयाने खळबळ

‘गिग’ कामगारांनी साजरी केली ‘काळी दिवाळी’! त्यांच्या असंतोषाचे कारण काय? सामाजिक सुरक्षेचा लाभ किती?

Ashok Pawar: आमदार अशोक पवार यांच्या मुलाचे अपहरण करून दहा कोटींची खंडणी, अश्लील चित्रफीत प्रसारित करण्याची धमकी

पंतप्रधान देशाचे असतात, पण मोदी मात्र सर्व चांगले प्रकल्प आपल्याच गृहराज्यात…खरगेंची जोरदार टीका

पुणे : सायबर चोरट्यांकडून तरुणाची १९ लाखांची फसवणूक

“काँग्रेसच्या सत्तेतील राज्य शाही परिवाराचे ‘एटीएम’, मद्यविक्रेत्यांकडून ७०० कोटी रुपयांची वसुली,” पंतप्रधान नरेंद्र मोदींचा घणाघात

हेही वाचा – ठाण्यात इलेक्ट्रीक दुचाकीच्या बॅटरीचा स्फोट; तीन जण जखमी

सुरुवातीचे काही महिने त्याने गुंतवणूकदारांना परतावा दिला होता. मागील वर्षभरापासून त्याने गुंतवणूकदारांना परतावा देणे बंद केले होते. काही गुंतवणूकदारांनी त्यांची मूळ रक्कम मागितली. परंतु ही रक्कम देण्यास देखील तो टाळाटाळ करू लागला. याप्रकारामुळे एका गुंतवणूकदाराने त्याच्याविरोधात श्रीनगर पोलीस ठाण्यात तक्रार दाखल केली. या प्रकरणाचा समांतर तपास आर्थिक गुन्हे अन्वेषण शाखेकडून सुरू आहे. पोलिसांनी समीर थिटे याला १३ मार्चला अटक केली आहे. फसवणुकीची रक्कम १० कोटी रुपयांहून अधिक असू शकते असा अंदाज पोलिसांचा आहे.

याप्रकरणात शेकडो गुंतवणूकदारांची फसवणूक झाली आहे. थिटे हा माजी राज्यपाल भगतसिंह कोश्यारी आणि उपमुख्यमंत्री देवेंद्र फडणवीस यांच्या पत्नीच्या हस्ते पुरस्कार घेत असल्याचे छायाचित्र आहे. त्याने ते कार्यालयात ठेवले आहे. त्यामुळे अनेक गुंतवणूकदारांनी त्यावर विश्वास ठेवला असे एका गुंतवणूकदाराने सांगितले.

हेही वाचा – आमदार राजन साळवी यांच्या पुतण्याची एसीबीकडून पाच तास चौकशी

याप्रकरणात समीर थिटे याला अटक केली आहे. ज्या गुंतवणूकदारांची फसवणूक झाली आहे. त्यांना संपर्क साधण्याचे आम्ही प्रयत्न करत आहोत. फसवणूक झालेल्या गुंतवणूकदारांनी आमच्याकडे संपर्क साधावा असे आवाहन आर्थिक गुन्हे अन्वेषण शाखेने केले आहे.