कल्याण: दिवा रेल्वे स्थानकातील गृहफलाट रखडल्याने प्रवाशांचे हाल

दिवा रेल्वे स्थानकातील गृह फलाटाचे बहुतांशी काम पूर्ण झाले आहे. लोकलचे सहा डबे उभे राहतील एवढ्या जागेत फलाटाची बांधणी सुरू असताना खासगी जमीन मालकाने हरकत घेतली. त्यामुळे रेल्वे अधिकाऱ्यांना ते काम आता वर्ष होत आले तरी पूर्ण करता आले नाही. फलाटाची जागा ही रेल्वेच्या मालकीची आहे अशी ठाम भूमिका रेल्वे अधिकाऱ्यांंनी घेतली आहे. तर जमीन मालक ती जागा आपल्या मालकीची आहे असा दावा करून आहे. या वादात दिवा रेल्वे स्थानकातील गृहफलाटाचे काम रखडले आहे.

आणखी वाचा

मानवी वस्तीत येणारे सोनेरी कोल्हे निवासीच! वन्यजीव शास्त्रज्ञ, प्राणी अभ्यासकांचा दावा

Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?

पिंपरी चिंचवड : “महानगरपालिकेत २०१७ ची पुनरावृत्ती होणार”, शंकर जगताप काय म्हणाले?

ठाण्यात मदत यंत्रणेच्या सतर्कतेमुळे टळली मोठी दुर्घटना, इमारतमधील लॉन्ड्री दुकानात आग लागल्याने सर्वत्र पसरला होता धूर

पुण्यात भाजपच्या खेळीने शिवसेनेच्या दोन्ही गटांत अस्वस्थता

‘आयटी’ वगळता सारेच घसरणीला! सेन्सेक्स-निफ्टीसाठी सलग तिसरे नुकसानीचे सत्र

‘महारेरा’चा दणका! पुण्यातील ४८७ गृहप्रकल्पांना स्थगिती

तीन पिढ्यांच्या वास्तव्यानंतर आदिवासी हक्काच्या घरापासून वंचित, पनवेलच्या विकास आराखड्यातील हरकतीवर सुनावणी

हेही वाचा : ठाणे जिल्ह्यात डेंग्यू, मलेरियासह स्वाईन फ्ल्यूची साथ; ठाणे शहरात स्वाईन फ्ल्यूचे १३१ रुग्ण

या रखडलेल्या फलाटाच्या एका बाजुने प्रवासी उतरतात. हा फलाट बांधून पूर्ण झाला असता तर या फलाटाच्या दोन्ही बाजुने प्रवाशांना उतरता आले असते. सध्या सहा डबे सोडून उर्वरित लोकल डब्यातील प्रवासी रखडलेल्या फलाटाच्या दो्न्ही बाजुने उतरतात. सहा डबे असलेल्या भागात फलाटाचे बांधकाम रखडले असले तरी अनेक प्रवासी लोकलमधील गर्दी टाळण्यासाठी रखडलेल्या फलाटाच्या बाजुने लोकलमध्ये चढतात आणि उतरतात. यामुळे प्रवाशांचा अपघात होण्याची भीती आहे. अनेक वेळा अशी जोखीम घेऊन लोकलमध्ये चढणारे, उतरणारे प्रवासी पडून जखमी होतात, असे प्रवाशांनी सांगितले. दिवा रेल्वे स्थानकातील प्रवासी संंख्या दिवसेंदिवस वाढत आहे. रखडलेल्या फलाट भागातील जमिनीचा वाद मिटवण्याचे काम सुरू आहे. त्यानंंतर रखडलेल्या फलाटाचे काम पूर्ण केले जाईल, असे एका रेल्वे अधिकाऱ्याने सांगितले.