कल्याण डोंबिवली महापालिका हद्दीत दररोज ६०० टन कचरा तयार होतो. गेल्या ४० वर्षांपासून हा कचरा आधारवाडी क्षेपणभूमीत टाकण्यात येतो. मात्र, दहा वर्षांपूर्वीच या क्षेपणभूमीची क्षमता संपल्याने ती बंद करण्याची सूचना महाराष्ट्र प्रदूषण नियंत्रण मंडळाने कल्याण-डोंबिवली महापालिकेला कळवले आहे.
आधारवाडीला पर्याय म्हणून १५ वर्षांपूर्वी महापालिकेने उंबर्डे येथे कचरा टाकण्यासाठी ३० एकर जमीन घेतली. तेथील भूमिपूत्रांना सर्व मोबदले देण्यात आले. काहींना या जमिनीचे विकास हस्तांतरण हक्कही मिळाले आहेत. मात्र, यातीलच काही भूमिपूत्र आणि विकासक येथे गृहप्रकल्प उभारत आहेत. क्षेपणभूमी झाल्यास या गृहप्रकल्पांना फटका बसेल, या भीतीने उंबर्डे क्षेपणभूमीला विरोध करण्यात येत आहे. महापालिकेने शास्रोक्त पद्धतीने कचऱ्याची विल्हेवाट लावण्यासाठीचा ६० कोटींचा एक प्रस्ताव शासनाकडे पाठवला आहे. या प्रकल्पास हिरवा कंदील दाखविल्यानंतर कल्याण, डोंबिवलीतील क्षेपणभूमी अस्तित्वात येऊ शकेल. मात्र, त्यासाठी राजकीय इच्छाशक्तीही आवश्यक आहे. ती सध्यातरी कल्याण-डोंबिवलीतील राजकारण्यांमध्ये दिसत नाही.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
