कडोंमपाचे क्रीडा पर्यवेक्षक राजेश भगत यांचा पदभार काढला, क्रीडा विभागात अनियमतता केल्याचा ठपका

क्रीडा विभागात कार्यरत असताना त्यांनी या विभागात अनेक गैरप्रकार, अनियमितता केल्याच्या तक्रारी माहिती कार्यकर्ते मनोज कुलकर्णी पालिका, शासनाकडे केल्या होत्या. याप्रकरणाची पालिका स्तरावरुन चौकशी सुरू होती. अनेक महासभेत हा विषय चर्चेला आला होता. वेळोवेळी चौकशांची आश्वासने देऊन हा विषय राजकीय दबावामुळे गुंडाळण्यात येत होता. भगत यांना अभय मिळत असल्याने ते क्रीडा विभागात कार्यरत होते. २०१५ पासून भगत क्रीडा विभागात होते.

आणखी वाचा

अन्यथा मते मागायला येणार नाही, असे उपमुख्यमंत्री अजित पवार का म्हणाले !

महायुतीला सत्ता मिळाली, लाडक्या बहिणींना २१०० रुपये कधीपासून…

विरोधकांचे ‘सोयाबीन अस्त्र’ ‘लाडक्या बहीण’चा प्रभाव रोखणार ?

“भाजपचा आरक्षण संपविण्याचा मोठा डाव”, कोणी केला हा गंभीर आरोप ?

Ravindra Dhangekar: “निवडणूक हरत असल्याचे लक्षात येताच…” फडणवीसांच्या ‘ॲक्सिडेंटल आमदार’ टीकेला धंगेकरांचे प्रत्युत्तर; पाहा व्हिडिओ

“पंतप्रधान मोदी यांची महाराष्ट्राला सावत्र वागणूक,” संजय सिंह यांचा आरोप

विकासकांनी हडपलेल्या सदनिकांची माहिती असमाधानकारक ! पुन्हा माहिती सादर करण्याचे ‘म्हाडा’ला आदेश

हेही वाचा >>> कल्याण रेल्वे स्थानकात बालकाचे अपहरण करणाऱ्या नाशिकच्या इसमाला अटक

काही वर्षापासून रेंगाळलेला हा विषय आयुक्त डाॅ. भाऊसाहेब दांगडे यांनी मार्गी लावण्याचा निर्णय घेतला. दोन महिन्यापूर्वी भगत यांच्यावर दोषारोप पत्र दाखल करण्यात आले होते. भगत यांना म्हणणे मांडण्याची संधी देण्यात आली होती. त्यांचे उत्तर समाधानकारक न वाटल्याने आयुक्त दांगडे यांनी भगत यांची क्रीडा विभागातून त्यांच्या मूळ नियुक्तीच्या अग्निशमन विभागात बदली केली आहे.

दोषारोप

पालिकेतर्फे २०१५ ते २०१७ कालावधीत ग्रीको रोमन स्पर्धा सावळाराम महाराज क्रीडासंकुलात घेतली होती. या स्पर्धेसाठी स्थायी समितीची परवानगी घेण्यात आली नाही. आयुक्तांची या स्पर्धेला मंजुरी नव्हती. स्पर्धेसाठी वस्तू पुरवठादारांना कोणतेही कार्यादेश देण्यात आले नव्हते. या स्पर्धेची मूळ नस्ती दोन वर्ष भगत यांनी नियमबाह्य स्वताकडे ठेवली होती. ही स्पर्धा चार दिवसाची असताना ती दोन दिवस घेण्यात आली. देयके मात्र चार दिवसाच्या स्पर्धेची काढण्यात आली. स्पर्धेतील खेळाडू, पंच, व्यवस्थापक, स्वयंसेवक याची माहिती नस्तीमध्ये ठेवण्यात आली नाही. महाराष्ट्र नागरी सेवा वर्तणूक नियमाने भगत यांनी कार्यालयीन शिस्तीचा भंग केल्याचा ठपका प्रशासनाने ठेवला आहे. या स्पर्धेसाठी २३ लाख ३८ हजार ३०० रुपये खर्च दाखविण्यात आला होता. याप्रकरणात सेवानिवृत्त क्रीडा अधिकारी राजेंद्र मुकणे, उपायुक्त क्रीडा, तक्रारदार मनोज कुलकर्णी यांची साक्ष महत्वाची ठरली.