स्वत:च्याच कुटुंबातील १४ जणांची निर्घृण हत्या करण्यापूर्वी हसनैनने त्यांना खाण्यातून गुंगीचे औषध दिल्याची माहिती आता समोर येत आहे. न्यायवैद्यकीय प्रयोगशाळेच्या प्राथमिक अहवालानुसार, जेवणानंतर सगळ्यांनी जो फालुदा खाल्ला होता, त्यामध्ये हसनैनने क्लोझॅपिन हे स्क्रिझोफेनियावरील औषध मिसळलं होतं. त्यामुळे हसनैन सुऱ्याने वार करत असताना गुंगीत असलेल्या कुणालाही जाग आली नाही, असे चाचणीत निष्पन्न झाल्याची माहिती सूत्रांकडून मिळत आहे. मात्र, या सगळ्याचा अंतिम अहवाल येणे बाकी आहे.
शेजारच्या अल्तमशमुळे सुबिया वाचली
काही दिवसांपूर्वी पोलिसांना हसनैनच्या शय्यागृहात डीपाकोटी आणि स्किझोफीन ही स्किझोफ्रेनिया (छिन्नमनस्कता) या आजारावरील दोन औषधे सापडली होती. त्यामुळे हसनैन मनोरुग्ण होता का या दृष्टीने पोलिसांनी तपास सुरू केला होता. हसनैनने १४ जणांची सुऱ्याने गळा चिरून हत्या करत असताना हसनैनला इतरांकडून प्रतिकार होऊ शकला नाही. त्यामुळे या हत्येमागचे गूढ आणखी वाढले होते.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
