कल्याण : पालिकेतील आपण प्रस्थापित, ज्येष्ठ कर्मचारी आहोत. आपणास कोणी काही करू शकत नाही. अशा अविर्भावात असलेल्या कल्याण डोंबिवली पालिकेतील कार्यालयात नियमित उशिरा येणाऱ्या कर्मचाऱी, अधिकाऱ्यांना अतिरिक्त आयुक्त मंगेश चितळे यांनी सोमवारी सकाळी चांगलाच दणका दिला.पालिकेत पदभार स्वीकारल्या पासून गेल्या दोन महिन्यापासून अतिरिक्त आयुक्त चितळे यांना पालिकेतील कर्मचारी, अधिकारी कार्यालयीन वेळेपेक्षा उशिरा येत असल्याचे, कार्यालयात आल्यानंतर चहानाष्टासाठी बाहेर जात असल्याचे, दुपारच्या वेळेत भोजनाची वेळ संपुनही गप्पा गमत्तीत रमत असल्याचे, काही भोजनाच्या वेळेत बाजारपेठेत खरेदीसाठी जात असल्याचे आणि काही कार्यालयीन वेळ (सव्वा सहा) संपण्यापूर्वीच संध्याकाळी साडे पाच वाजता लोकलची वेळ पाहून निघून जात असल्याचे लक्षात आले होते. अनेक नागरिक सकाळी १० वाजता तक्रारी, निवेदने घेऊन पालिकेत येतात. त्यांना कार्यालयात संबंधित कर्मचारी, अधिकारी नाहीत म्हणून प्रतीक्षा करावी लागत असल्याचे अतिरिक्त आयुक्त चितळे यांच्या निदर्शनास आले होते.
कल्याण डोंबिवली पालिकेतील बेशिस्त कर्मचाऱ्यांना अतिरिक्त आयुक्तांचा दणका, दीडशे जणांना बजावल्या शिस्तभंगाच्या नोटीसा
पालिकेत सध्या आलबेल असल्याने आपल्यावर कारवाई होणार नाही असा गैरसमज पालिका कर्मचारी, अधिकाऱ्यांचा झाला आहे.
Updated:
या बातमीसह सर्व प्रीमियम कंटेंट वाचण्यासाठी साइन-इन करा
या बातमीसह सर्व प्रीमियम कंटेंट वाचण्यासाठी साइन-इन करा
Already have an account? Sign in
First published on: 10-10-2022 at 15:14 IST
Thane News (ठाणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Kdmc additional commissioner mangesh chitale unruly employees for disciplinary notices kalyan tmb 01
