डोंबिवलीत काँक्रीट रस्त्यासाठी नांदिवली टेकडीचा चढ-उतार काढण्यास भूमाफियाचा विरोध

कल्याण डोंबिवली पालिका हद्दीत काँक्रिटीकरणाची कामे सुरू असली तरी या रस्त्यांवरील खर्च आणि बांधकामाचे पूर्ण नियंत्रण ‘एमएमआरडीए’चे आहे. पालिका बांधकाम विभागाच्या अधिकाऱ्यांना या ठिकाणी हस्तक्षेप करता येत नाही. नांदिवली पंचानंद गाव यापूर्वी टेकडी स्वरुपात असलेल्या भागात वसले आहे. गावातील रस्ता टेकडीच्या उतारावरून आहे. या भागातून छोटे अवजड सामान घेऊन जाणारा टेम्पो, काही वेळा दुचाकी या चढणीवरून नेताना चालकाला कसरत करावी लागते. अनेक वेळा टेम्पो अति चढावामुळे मागे येतो. पावसाळ्यात उतारावरून अनेक वेळा वेगाने वाहन येऊन घसरतात. शाळेच्या बस याच मार्गातून येजा करतात.

आणखी वाचा

सोहले लोहखाणीवरून उत्तर गडचिरोलीत असंतोष? खाणीपर्यंत जाणाऱ्या रस्त्याला…

27 October Horoscope : अचानक धनलाभ ते‌ वैवाहिक…

‘घड्याळ’ चिन्हाबाबत उद्या सुनावणी; शरद पवार गटाची बाजू ऐकण्याची तयारी

BRICS Summit: ब्रिक्स म्हणजे काय? यंदाची शिखर परिषद भारतासाठी महत्त्वाची का आहे?

‘एसटी’च्या भाडेवाढ रद्दमुळे १०० कोटींचा फटका, अन् कर्मचाऱ्यांची दिवाळी भेट…

‘पर्वती’मध्ये आमदार मिसाळांची धाकधूक वाढली?

“हिंदूंमध्ये फूट, हे काँग्रेसचे धोरण”, पंतप्रधानांचे टीकास्त्र; निवडणुकीच्या तोंडावर राज्यातील अनेक प्रकल्पांचे लोकार्पण

Accident in UP : मजुरांना घेऊन जाणाऱ्या ट्रॉलीला ट्रकची धडक; १० जणांचा जागीच मृत्यू, मोदींनी व्यक्त केला शोक

हेही वाचा – डोंबिवलीतील गणेश मंदिराच्या शताब्दी महोत्सवाला प्रारंभ, वर्षभर सामाजिक, धार्मिक, सांस्कृतिक कार्यक्रमांची पर्वणी

नांदिवली मधील या चढ-उतरणीच्या रस्त्यामुळे या भागात नियमित अपघात होतात. त्यामुळे या भागातील या रस्त्याचा चढाव कमी करावा म्हणून अनेक वर्षांची या भागातील नागरिकांची पालिकेकडे मागणी आहे. आता काँक्रिटीकरणाचे काम या भागात सुरू आहे. या कामासाठी नांदिवली टेकडीचा काही भाग कमी करण्याचे नियोजन एमएमआरडीएने केले आहे. या कामाला एक तथाकथित नेता आणि नांदिवली पंचानंद भागात सर्वाधिक बेकायदा इमारती उभारणाऱ्या भूमाफियाने विरोध दर्शविला आहे. टेकडीचा भाग कापला तर या भूमाफिया आजुबाजूच्या बेकायदा बांधकामांना धोका पोहोचणार आहे. त्यामुळे एक माफिया काही दिवसांपासून ठेकेदाराला टेकडीचा चढाव-उतार कमी करण्यास विरोध करत असल्याचे स्थानिक रहिवाशांनी सांगितले.

हेही वाचा – प्रस्तावित आंबिवली-मुरबाड रेल्वे मार्गाला बेकायदा बांधकामांचा विळखा, भरपाईसाठी ६०० हून अधिक निवाऱ्यांची उभारणी

डोंबिवलीत नांदिवली पंचानंद भागात सर्वाधिक बेकायदा इमारती सहा वर्षांपूर्वी भूमाफियांनी बांधल्या आहेत. काँक्रीट रस्ते बांधकामाशी संबंधित एका अधिकाऱ्याने सांगितले, नांदिवली टेकडीचा चढ-उतार काढण्यास कोणाचा विरोध नाही. काँक्रीट कामासाठी टेकडीचा काही भाग कमी केला जाणार आहे. विरोध केला तर हा विषय निदर्शनास आणला जाईल.