कलानींना वळविण्याचे पवार गटाचे प्रयत्न

उल्हासनगर महापालिकेसह विधानसभा आणि लोकसभेमध्ये मतांची बेगमी करायची असल्यास कलानी कुटुंबाला जवळ ठेवावे लागते. त्यानुसार २०१७ मध्ये झालेल्या महापालिका निवडणुकांमध्ये भाजपने अनेक आरोप-प्रत्यारोपांनंतरही माजी आमदार पप्पू कलानी यांचे पुत्र ओमी कलानी यांना जवळ केले. त्यानंतर भाजपला पालिका निवडणुकांमध्ये सत्ता प्राप्त करता आली. मध्यंतरीच्या काळात बेबनाव झाल्याने कलानी गटाने भाजपला पराभवाची धूळ चारत शिवसेनेला मदत केली. त्यामुळे संख्याबळ असूनही भाजपचा महापौरपदाचा उमेदवार पराभूत झाला होता. त्यानंतर भाजप आणि कलानी कुटुंबांमध्ये मोठे अंतर निर्माण झाले.

आणखी वाचा

पाडा पाडा म्हणणाऱ्या पवारांचे उमेदवारच लोक पाडतील; उदयनराजे यांचे टीकास्त्र

महायुतीला सत्ता मिळाली, लाडक्या बहिणींना २१०० रुपये कधीपासून…

प्रतिभा पवार यांंना प्रचारापासून रोखल्याचे बारामतीत पडसाद; शरद पवार यांच्या बॅगची तपासणी

“बारामतीकरांना कुणी वाली राहणार नाही” म्हणणाऱ्या अजित पवारांना शरद पवारांचा टोला; म्हणाले…

१९९१ मध्ये शरद पवार यांनीच शिवसेना फोडली; छगन भुजबळ यांचा आरोप

विदर्भात अजित पवारांची भाजपकडून कोंडी

केंद्रीय वस्त्रोद्योग समितीवर धैर्यशील माने, सुनेत्रा पवार

मध्यंतरीच्या काळात राष्ट्रवादी काँग्रेसमध्ये कलानी आणि गंगोत्री गटामध्ये वाकयुद्ध रंगले. त्यातही राष्ट्रवादी काँग्रेसच्या वरिष्ठांनी कलानी गटाची साथ दिली होती. त्यामुळे कलानी गटाचे महत्व अधोरेखीत झाले होते. अजित पवार यांनी महायुतीला साथ देत उपमुख्यमंत्रीपदाची शपथ घेतली, त्यावेळी कलानी गटातील काही पदाधिकारी उपस्थित होते. त्यानंतर शरद पवार यांच्या सभेतही कलानी गटाचे पदाधिकारी उपस्थित होते. त्यामुळे कलानींची नेमकी भूमिका काय याबाबत प्रश्नचिन्ह होते.

परिसरात वरचष्मा

उल्हासनगर विधानसभा मतदारसंघासह आसपासच्या भागात कलानींचे वर्चस्व आहे. त्यांच्या गटाचे सर्वाधिक नगरसेवक या भागात आहेत. लोकसभा निवडणुकीवेळी खुद्द तत्कालीन नगरविकास मंत्री आणि विद्यमान मुख्यमंत्री एकनाथ शिंदे यांनी टीम ओमी कलानी गटाने आयोजित केलेल्या सभेत मंचावर हजेरी लावली होती. त्यामुळे कलानींचे महत्व अधोरेखीत झाले होते.