कोंबडीच्या मोहात आला, अन् बिबट्या पिंजऱ्यात फसला

भिवंडीतील पडघा भागात गोदाम क्षेत्र आहे. या गोदाम क्षेत्रात शुक्रवारी सकाळी एका ट्रक चालकाला बिबट्या दिसला. ट्रक चालकाने तात्काळ याची माहिती गोदाम परिसरात काम करणाऱ्या कर्मचाऱ्यांना दिली. बिबट्या शिरल्याची माहिती येथील स्थानिकांना मिळाल्यानंतर नागरिकांमध्ये घबराटीचे वातावरण पसरले. बिबट्याचा शोध घेतला असता, तो एका गोदामाच्या मलनिस्सारण वाहिनीसाठी खोदण्यात आलेल्या गटारामध्ये बसल्याचे स्थानिकांना दिसले. त्यांनी तात्काळ याची माहिती वन विभागाला दिली. त्यानंतर दुपारी १ वाजताच्या सुमारास वन विभागाचे पथक आणि पाॅज् प्राणी रक्षक संस्था घटनास्थळी दाखल झाले. बिबट्याला पकडण्यासाठी अनेक प्रयत्न झाले. परंतु गटार अरुंद असल्याने तसेच गोदाम परिसर अत्यंत चिंचोळा असल्याने त्याला पकडणे शक्य होत नव्हते. अखेर वन विभागाच्या पथकाने रात्री गटाराच्या एका दिशेकडील काही भाग तोडून तेथे पिंजरा लावला. या पिंजऱ्यामध्ये एक कोंबडी ठेवण्यात आली. दोन ते तीन तास उलटूनही बिबट्या पिंजऱ्यात येत नव्हता. अखेर मध्यरात्री १२ वाजताच्या सुमारास बिबट्या त्या पिंजऱ्यात कोंबडीच्या शिकारीसाठी आला आणि तो पिंजऱ्यात अडकला. गोदाम भागातून पिंजरा बाहेर काढणे शक्य होत नव्हते. त्यामुळे बिबट्याला बेशुद्ध करण्यात आले आणि पिंजऱ्यासह बिबट्याला तात्काळ बाहेर काढण्यात आले. या भागात यापूर्वी कधीच बिबट्या आढळून आला नव्हता अशी माहिती स्थानिकांनी दिली. बिबट्याची वाट चुकली असावी त्यामुळे तो या ठिकाणी आला असवा असा अंदाज व्यक्त केला जात आहे.

आणखी वाचा

नागपुरात वाघांच्या ‘मटण पार्टी’वर कायमची बंदी…‘एच-५एन-१’ विषाणूमुळे…

कसे असते महिला नागा साधूंचे जीवन? त्यांचा पेहराव…

वाघाची शिकार? उकणी कोळसा खाणीत कुजलेला मृतदेह आढळला; १३ नखे व दोन दात…

साताऱ्यातील जलाशयात ‘परदेशी पाहुणे’ दाखल; रोहित, पट्टेरी राजहंससह ५० हून अधिक स्थलांतरित पक्ष्यांचे आगमन

नागपूर : वाघांचा रस्ता अडविला; न्यायालयाकडून गंभीर दखल…

भंडारा : खळबळजनक! वाघाचे तीन तुकडे करून जंगलात फेकले, शिकार की झुंज…

“एच५एन१” ने तीन वाघ मृत्युमुखी, राज्यातील प्राणिसंग्रहालयांना “हाय अलर्ट”

‘त्या’ दोन वाघांमध्ये झुंजीचा थरार; रक्ताचा सडा, पण…

हेही वाचा – कल्याण : दिडशे ते तीनशे मीटरपर्यंतच्या भूखंडावरील बांधकामांना प्रभागस्तरावर मंजुरी

हेही वाचा – मुंबईसह ठाणे, भिवंडीत १४, १५ डिसेंबर रोजी १५ टक्के पाणीकपात

े

हा बिबट्या नर असून त्याला वैद्यकीय पथकाच्या देखरेखीखाली ठेवण्यात आले आहे, अशी माहिती संजय गांधी राष्ट्रीय उद्यानातील पशू वैद्यकीय अधिकारी डाॅ. विनया जंगले यांनी दिली.