ठाणे : मध्य रेल्वे आणि महापालिकेच्या वाहनतळात कंत्राटदारांकडून लुबाडणूक सुरूच

ठाणे रेल्वे स्थानक परिसरात दररोज हजारो प्रवासी तसेच कामानिमित्ताने चालक वाहने घेऊन येत असतात. या वाहन चालकांना त्यांची वाहने वाहन तळात उभी करता यावी यासाठी रेल्वे प्रशासनाने काही वर्षांपूर्वी ठाणे रेल्वे स्थानकाच्या पश्चिमेला फलाट क्रमांक एकजवळ वाहन तळ उभारले आहे. या वाहन तळाचे कंत्राट एका कंत्राटदाराला देण्यात आला आहे. नियमानुसार, दुचाकी उभी करण्यासाठी दोन तासांपर्यंत १० रुपये, दोन ते सहा तासांसाठी २० रुपये, ६ ते १२ तासांसाठी ३० रुपये आणि १२ तासांहून अधिक वेळ वाहन उभे केल्यास ४० रुपये आकारणे अपेक्षित आहे. असे असतानाही एक ते दोन तासांसाठी देखील वाहन चालकांकडून ३० रुपये आकारण्यात येत आहे. या वाहन तळामध्ये वाहने पहिल्या किंवा दुसऱ्या मजल्यावरून वाहन खाली उतरविण्यासाठी एक उतार तयार करण्यात आला आहे. या उतारावर देखील एका दिशेला नियमबाह्य पद्धतीने वाहने उभी केली जात आहे.

आणखी वाचा

माथेरानच्या राणीचा ‘विस्टाडोम’विनाच प्रवास

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

लाडकी बहीण योजनेवरून खासदार धनंजय महाडिक यांचे वादग्रस्त विधान; खासदार प्रणिती शिंदे, आमदार सतेज पाटील यांचे टीकास्त्र

स्वारगेट आगारात पीएमपी बसला आग; कर्मचाऱ्यांच्या प्रसंगावधानामुळे आग आटोक्यात

झिंका लॉजिस्टिक्सचा १,११५ कोटींचा ‘आयपीओ’ १३ नोव्हेंबरपासून

खारघर तूर्भे लिंकरोडचे काम निवडणूकीनंतर सूरु होणार

ईडीकडून ३३३ कोटींच्या मालमत्तेवर टाच

विनातिकीट प्रवाशांकडून ८० कोटींची दंडवसुली; सात महिन्यांतील पश्चिम रेल्वेची कारवाई

हेही वाचा – आश्रमशाळेतील अन्नपदार्थ वर्षश्राद्धाचे; आश्रमशाळेतील अधीक्षकासह चार जणांविरोधात गुन्हा दाखल

ठाणे महापालिकेने देखील गावदेवी मैदानाखाली ४ हजार ३३० चौ. मीटर इतके प्रशस्त भूमिगत वाहनतळ उभारले आहे. या वाहन तळात एकाचवेळी शेकडो वाहने उभी राहू शकतात इतकी या वाहन तळाची क्षमता आहे. याठिकाणी देखील ठेकेदाराकडून अशाचपद्धतीने एक तास किंवा त्याहून कमी कालावधीसाठी ३० रुपये आकारले जात आहे. या प्रकाराबाबत समाजमाध्यमावर तक्रारी करूनही कठोर कारवाई केली जात नसल्याचे चालकांचे म्हणणे आहे. महापालिकेच्या अधिकाऱ्यांना विचारले असता, लेखी तक्रार आल्यास कारवाई करण्यात येईल असे त्यांनी सांगितले.

मध्य रेल्वेच्या वाहन तळामध्ये गेल्या अनेक महिन्यांपासून अशापद्धतीने लुबाडणूक सुरू आहे. वाहन तळामध्ये असलेल्या कर्मचाऱ्यांकडून अनेकदा गुंडगिरीची भाषा केली जाते. रेल्वेच्या कार्यालयाजवळच हे वाहन तळ आहे. असे असतानाही अधिकाऱ्यांकडून या ठिकाणी लक्ष दिले जात नाही. – निशांत बंगेरा, प्रवासी.

हेही वाचा – मालगाडीवर चढून ओव्हर हेड वायरचा धक्का लागून मुलगा गंभीर जखमी, कल्याण रेल्वे यार्डातील घटना

वाहनतळातील ठेकेदाराने निर्धारित शुल्क घेणे आवश्यक आहे. नियमापेक्षा अधिक शुल्क आकारल्यास कंत्राटदारावर नियमानुसार कारवाई करण्यात येईल. – पी.डी. पाटील, जनसंपर्क अधिकारी, मध्य रेल्वे