घोडबंदरवासियांची रिक्षा संघटनेच्या नावाने प्रवाशांची लूट, मीटरऐवजी दुप्पट रक्कम घेऊन केली जाते प्रवाशांची वाहतूक

घोडबंदर परिसराचे गेल्या काही वर्षांत मोठ्या प्रमाणात नागरीकरण झाले आहे. माजिवाड्यापासून ते गायमुखपर्यंत मोठ-मोठी गृहसंकुले उभी राहिली आहेत. महापालिकेच्या माध्यमातून याठिकाणी पायाभूत सुविधा पुरविण्यात येत आहेत. गृहसंकुलांबरोबरच मोठ-मोठे माॅल आणि आस्थापनांची उभारणी करण्यात आली आहे. अशाचप्रकारे आनंदनगर परिसरात डी-मार्ट हा माॅल असून याठिकाणी खरेदीसाठी नागरिकांची मोठी गर्दी असते. परंतु येथून खरेदी करून घरी परतणाऱ्या नागरिकांची रिक्षाचालकांडून खुलेआम लुटमार सुरू असून त्याकडे वाहतूक पोलीस आणि प्रादेशिक परिवहन विभागाचे दुर्लक्ष होताना दिसून येत आहे.

आणखी वाचा

द्रोणागिरी परिसर खड्ड्यांत; पाऊस थांबल्याने मार्गावरील धुळीच्या उधळणीने प्रवासी आणि नागरिक त्रस्त

४ ऑक्टोबर पंचांग: मेष, वृषभसह ‘या’ राशींवर देवी…

ठाणे आणि पालघर जिल्ह्यातील महामार्ग खड्डेमय, दोन दिवस झालेल्या पावसात बुजवलेले खड्डे उख़डले, खड्ड्यांमुळे होणाऱ्या कोंडीने रस्ते प्रवास नकोसा

आमचे पैसे परत द्या! वातानुकूलित उपनगरी रेल्वेगाड्यांतील पासधारक प्रवाशांची मागणी

‘मास्टर लिस्ट’वरील रहिवाशांना ज्यादा क्षेत्रफळासाठी कमी दर मोजावा लागणार! म्हाडा उपाध्यक्षांचा निर्णय

मुंबई : साडेसात वर्षांत कळवा-ऐरोली उन्नत प्रकल्पाचे केवळ ४६ टक्के काम पूर्ण

ऑक्टोबरमध्ये एसटीच्या साध्या डिझेल बस दाखल होणार

ठाणे : कोंडीनंतर अधिकाऱ्यांना जाग, उड्डाणपुलांलगत तात्पुरती दुरूस्ती, रस्त्यांच्या पाहाणीला सुरूवात

हेही वाचा – राष्ट्रवादीचे नेते जितेंद्र आव्हाड यांना घेरण्याचे प्रयत्न, माजी नगरसेवकांकडून मुंब्रा विकास आघाडीची नोंदणी

डि-मार्ट शेजारीच प्रवाशांच्या वाहतुकीसाठी रिक्षा थांबा उभारण्यात आला आहे. या थांब्यावर उभे असलेले रिक्षाचालक मात्र मीटरप्रमाणे भाडे नेण्यास नकार देतात. या माॅलपासून कासारवडवलीपर्यंतचे रिक्षाभाडे २५ रुपयांपर्यंत होते. परंतु येथील रिक्षाचालक ५० रुपये भाडे आकारतात. इतके भाडे देणार असाल तर रिक्षात बसा, असे रिक्षाचालकांकडून प्रवाशांना सांगितले जाते. गेल्या दोन ते तीन महिन्यांपासून हा प्रकार सुरू आहे. पर्याय नसल्यामुळे प्रवाशी जास्त भाडे देऊन प्रवास करित आहेत.

हेही वाचा – ठाणे महापालिका अतिरिक्त आयुक्तपदी प्रशांत रोडे यांची नियुक्ती

आम्ही मीटरप्रमाणे वाहतूक केली तर संघटनेकडून धमकाविले जाते. मीटरप्रमाणे भाडे घेणार असाल तर थांब्यावर रिक्षा उभी करायची नाही, असा दम संघटनेकडून दिला जातो. नाईलाजास्तव आम्ही ठराविक रक्कम घेऊन प्रवासी वाहतूक करतो, असा दावा काही रिक्षाचालकांनी केला. स्वयंघोषित संघटनेच्या नावाने सुरू असलेल्या लुटीमुळे घोडबंदरवासी हैराण झाले आहेत. या संदर्भात कासारवडवली वाहतूक शाखेचे पोलीस निरीक्षक संदीप सावंत यांच्याशी वारंवार संपर्क साधूनही त्यांची प्रतिक्रिया मिळू शकली नाही.