Man Beaten To Death at Mumbra Station : मुंब्रा रेल्वे स्थानकाजवळ एका ४३ वर्षीय व्यक्तीला लोकल ट्रेनमधून ओढून बेदम मारहाण करण्यात आल्याची धक्कादायक घटना उघडकीस आली आहे. १ जानेवारी रोजी रात्री ११ च्या सुमारास ही घटना घडली. कमालउद्दीन अन्सार शेख असं या व्यक्तीचं नाव असून असून या घटनेत त्याचा मृत्यू झाला आहे.
हेही वाचा – क्लस्टरसक्तीचा जाच; ठाण्यात अधिकृत घरमालकांचीच कोंडी, नव्या कायद्याला भाजपचा विरोध
ठाणे पोलिसांनी दिलेल्या माहितीनुसार, कमालउद्दीन अन्सार शेख हा अंबरनाथ येथील रहिवासी असून तो १ जानेवारी रोजी लोकल ट्रेनने आपल्या घरी जाण्यासाठी निघाला होता. मुंब्रा येथे पोहोचताच तीन अज्ञात व्यक्तींनी त्याला ट्रेनमधून खाली ओढले. तसेच त्याला बेदम मारहाण केली. दरम्यान, या घटनेची माहिती मिळताच पोलिसांनी घटनास्थळी दाखल होत कमालउद्दीनला रुग्णालयात दाखल केले. मात्र, ४ जानेवारी रोजी त्याचा मृत्यू झाला.
हेही वाचा – वाचन प्रेरणा दिन उपक्रम : कल्याणच्या सार्वजनिक वाचनालयात शारदा मंदिराचे विद्यार्थी ग्रंथसेवक,
दरम्यान, पोलिसांनी या प्रकरणी तीन अज्ञात आरोपींविरोधात खुनाचा गुन्हा दाखल केला असून आरोपींचा शोध सुरू असल्याची माहिती ठाणे पोलिसांकडून देण्यात आली आहे.
