डोंबिवलीतील उल्हास खाडी किनारी खारफुटीची लागवड

जिल्हाधिकारी, उपविभागीय अधिकारी, तहसीलदार कल्याण आणि डोंबिवली महसूल विभाग, विक्रोळी येथील गोदरेज खारफुटी विभाग यांच्या सहकार्याने हा उपक्रम राबविण्यात आला. या उपक्रमात बिर्ला महाविद्यालयाचे वनस्पती शास्त्र विभागाचे विद्यार्थी, शिक्षक सहभागी झाले होते.

आणखी वाचा

दाम्पत्याला भाट्ये समुद्रात खेळणे पडले महागात; स्थानिक मच्छीमारांनी वाचविले प्राण

Madhuri Dixit : डर चित्रपट माधुरी दीक्षितने का…

मानपाडा-बाह्यवळण रस्ता ते कोपर रस्त्यामधील अडथळा दूर

चंद्रपूर जिल्ह्यात सातवाहनकालीन वस्तीचे अवशेष; कधी होते मोठे शहर, आज आहे गर्द वनराई…

सरकारी प्रकल्पांमुळेच धुळधाण, नागरिकांच्या आरोग्यावर परिणाम होण्याची शक्यता

मुख्य जलवाहिनीतून गळती; वांद्रे परिसरातील पाणीपुरवठ्यासाठी विशेष वेळापत्रक

सुळा डोंगर पायथ्याला वणवा; पर्यावरणमित्र, शेतकऱ्यांकडून नियंत्रण

तुळजाभवानी मंदिराला मिळणार पुरातन झळाळी, जीर्णोध्दाराचे काम पुरातत्व खात्याच्या निगराणीखाली वेगात सुरू

डोंबिवली, कोपर, दिवा, कोपर खाडी किनारा हा खारफुटीच्या जंगलांसाठी प्रसिध्द आहे. या भागात गेल्या १० वर्षात वाळू माफियांनी वाळू उपशासाठी खारफुटीची बेसुमार कत्तल केली. त्यामुळे या भागातील खारफुटीचे जंगल नष्ट होत चालले आहे. या पार्श्वभूमीवर खाडी किनारी भागात तीन वर्षापासून खारफुटीची रोपे लावण्याचा उपक्रम पर्यावरण दक्षता मंडळाच्या डोंबिवली शाखेतर्फे हाती घेण्यात आला आहे.

खारफुटीचे महत्व यावेळी उपस्थित बिर्ला महाविद्यालयाच्या उपस्थितांना सांगण्यात आले. खारफुटी जैवविविधता वाढण्यास महत्वाची भूमिका बजावते. खाडीतील अनेक प्रजाती प्रजनन काळात खारफुटीची मुळे, खोडांचा आधार घेतात. अनेक पक्षी खारफुटीच्या झाडांवर घरटी बांधून निवास करतात. खाडी किनारची माती घट्ट धरुन ठेवण्यास खारफुटीची मुळे महत्वाचे काम करतात. खाडी किनारी होणारी धूप थांबविण्यात खारफुटीचे जंगल महत्वाचे कार्य करते, अशी माहिती पर्यावरण दक्षता मंडळाच्या डोंबिवली विभागप्रमुख रुपाली शाईवाले यांनी दिली.

या उपक्रमात पर्यावरण दक्षता मंडळाचे माजी अध्यक्ष डाॅ. पुरुषोत्तम काळे, तलाठी मनोज अडमाने, देवीचापाडा येथील पोलीस पाटील भोईर, गोदरेज खारफुटी संवर्धनाचे व्यवस्थापक हेमंत कारखानीस, बिर्ला महाविद्यालय पर्यावरण विभागप्रमुख डाॅ. तावडे, पर्यावरण दक्षता मंडळाच्या रुपाली शाईवाले सहभागी झाले होते. जिल्हाधिकारी राजेश नार्वेकर, ठाणे उपविभागीय अधिकारी, प्रांत डाॅ. अभिजीत भांडे पाटील, तहसीलदार जयराज देशमुख यांच्या मार्गदर्शनाखाली हा उपक्रम पार पडला.

मेसवाक, रेड मॅनग्रोव्हज, ऑरेन्ज खारफुटी, दुधी खारफुटीची रोपे खाडी किनाऱा भागात लावण्यात आली. किनारी दलदल असल्याने बोटीतून विद्यार्थी, पर्यावरण मंडळाचे कार्यकर्ते खाडी किनारी संचार करत रोपे लावण्याचे काम करत होते.  यावेळी विद्यार्थ्यांना पाणकावळे, पाणबगळे, विविध प्रकारचे रंगीबेरंगी पक्षी पाहण्यास मिळाले.

जैवविविधता संवर्धनात खारफुटीचे जंगल महत्वाची भूमिका बजावते. त्यामुळे जागतिक कांदळवनाचे दिनाचे औचित्य साधून डोंबिवलीतील देवीचापाडा येथील खाडी किनारी खारफुटीच्या रोपांची लागवड करण्यात आली. दोन वर्षापूर्वी लावलेली रोपे मोठी झाली आहेत.

रुपाली शाईवाले, पर्यावरण दक्षता मंडळ, डोंबिवली