बदलापूरमध्ये कुटुंबीयांनी वेडी ठरविल्यामुळे विवाहितेची आत्महत्या

रोहित सतिश पवार (३०, पती), दीर धनंजय पवार (३६), सासरा सतिश पवार (६२), सासु सुजाता (६०), जाऊ प्रियंका धनंजय पवार (३५) अशी गुन्हा दाखल आरोपींची नावे आहेत. बेळगाव जिल्ह्यातील आथणी तालुक्यातील एका गावातील प्रमिला चंद्रकांत निकम (४६) यांनी याप्रकरणी बदलापूर पोलीस ठाण्यात तक्रार केली आहे. पोलिसांनी गुन्हा दाखल करून घेतला आहे.

आणखी वाचा

कर्जाला कंटाळून मनपा अधिकाऱ्याची आत्महत्या 

२१ नोव्हेंबर पंचांग: वर्षातील शेवटचा गुरुपुष्यामृत योग कोणत्या…

मणिपूरमध्ये पुन्हा हिंसाचार; तीन मृतदेह सापडल्यानंतर नागरिक संतप्त; राजकीय नेत्यांच्या घरांवर हल्ले

पाळीव प्राण्यांच्या विरहाच्या भीतीने नैराश्य, तरुणाची गळफास घेऊन आत्महत्या

पुणे : शहरात वेगवेगळ्या अपघातात तिघांचा मृत्यू

“लग्नसंस्था आता आपण समाजानेचं मोडीत काढल्यात…”, घटस्फोटाबाबत बोलताना विशाखा सुभेदारचं वक्तव्य, म्हणाली…

नवाब मलिक यांना तूर्त दिलासा, मात्र….; वैद्यकीय जामिनावर असताना त्रासाविना प्रचार करत असल्याची उच्च न्यायालयाकडून दखल

पतीच्या छळामुळे दोन महिलांची आत्महत्या; कोंढवा, विमानतळ पोलिसांकडून गुन्हे दाखल

हेही वाचा : बँक व्यवहारांवर निवडणूक विभागाची नजर ! जिल्हास्तरीय बँक समनव्ययकाची नियुक्ती

पोलिसांनी सांगितले, बेळगाव येथील तक्रारदार प्रमिला निकम यांची मुलगी सोनाली हिचे लग्न बदलापूर कात्रप भागातील रोहित पवार याच्या बरोबर झाले होते. लग्नानंतर सासरच्या मंडळींनी सोनाली हिचा हुंड्यासाठी छळ सुरू केला होता. पती रोहित याला अन्य ठिकाणी नोकरी लावायची आहे यासाठी पैसे हवे असल्याचे सांगून सासरच्या कुटुंबीयांनी सोनालीकडून तिचे सोन्याचे स्त्रीधन काढून घेतले. त्यानंतर सोनालीच्या चारित्र्यावर कुटुंबीयांनी संशय घेऊन तिचा शारीरिक व मानसिक छळ सुरू केला. सोनालीने घराबाहेर पडू नये आणि तिने माहेरी आई प्रमिला किंवा अन्य कोणाशी संपर्क करू नये म्हणून तिला घरातील खोलीत कोंडून ठेवण्यात आले. ती वेडी झाल्याच्या दृश्यध्वनी चित्रफिती तयार करून सासरच्या मंडळींनी त्या मयत सोनालीच्या आईला दाखविल्या.

हेही वाचा : Mumbai Local Update : कल्याणमध्ये रुळांवर घसरलेले डबे हटवले, पण मध्य रेल्वे रुळांवर येईना; आज मुंबई लोकलची स्थिती काय?

या सगळ्या प्रकाराने नैराश्य आल्याने सोनाली पवार हिने बुधवारी राहत्या घरात आत्महत्या केली. ही माहिती समजताच सोनालीचे बेळगाव येथील कुटुंब बदलापूरमध्ये दाखल झाले. सासरच्या मंडळींनी केलेल्या छळामुळे सोनालीने आत्महत्या केल्याचा ठपका ठेवत सोनालीच्या आईने बदलापूर पोलीस ठाण्यात तक्रार केली आहे. वरिष्ठ पोलीस निरीक्षक किरण बालवडकर यांच्या मार्गदर्शनाखाली पोलीस उपनिरीक्षक पी. डी. अमृतकर तपास करत आहेत.