डोंबिवलीत सावत्र वडिलांकडून अल्पवयीन मुलीचा विनयभंग

पीडित मुलगी आणि आरोपी सावत्र वडील डोंबिवली पश्चिमेतील महाराष्ट्रनगर परिसरात राहतात. पीडितेच्या वडिलांना मद्याचे व्यसन आहे. गुरुवारी रात्री पीडितेचे वडील मद्य सेवन करून आले. त्यांनी संध्याकाळी सात ते मध्यरात्री तीन वाजेपर्यंत घरात धिंगाणा करून पीडितेबरोबर अश्लिल चाळे केले. या प्रकाराने पीडित मुलगी घाबरली होती. ती बचावासाठी शेजाऱ्यांनाही बोलवू शकत नव्हती. मध्यरात्री तीन वाजण्याच्या दरम्यान सावत्र वडिलांनी पीडितेचा विनयभंग केला. पीडितेने त्यास विरोध केला. त्यावेळी सावत्र वडिलांनी तिला मारहाण केली.

हेही वाचा – ज्या स्थानकात आंदोलन, तिथेच आनंदोत्सव; अक्षय शिंदे चकमकीनंतर बदलापूर स्थानकात पेढे वाटप

हेही वाचा – Akshay Shinde Encounter : “अक्षयचा एन्काऊंटर पोलिसांनी पैसे घेऊन केला, त्याच्या खिशात..”, वडिलांचा गंभीर आरोप

हा प्रकार कोणाला सांगितला तर आपली बदनामी होईल अशी भीती पीडितेच्या मनात होती. तिने हिम्मत करून विष्णुनगर पोलीस ठाणे गाठले. पोलिसांनी तिने दिलेल्या माहितीप्रमाणे तात्काळ सावत्र वडिलांविरुद्ध गुन्हा दाखल केला. पोलीस निरीक्षक गहिनीनाथ गमे यांच्या मार्गदर्शनाखाली उपनिरीक्षक एन. जी. सावंत तपास करत आहेत.