Mira Road Murder : “मनोज साने माझा मामा आणि तो खूप…”, सरस्वती काय म्हणाली होती? अनाथ आश्रमाच्या कर्मचाऱ्यांनी दिलं उत्तर

निर्घृण हत्येनंतर सरस्वतीच्या मृतदेहाचे तुकडे करण्यात आले. मात्र सरस्वती ही मनोजला भेटण्याआधी एका अनाथ आश्रमात राहात होती. आश्रमात काम करणाऱ्या अनु साळवे यांनी सांगितलं की सरस्वती ही मनोज सानेला मामा अशी हाक मारत होती. तसंच माझा मामा खूप पैसैवाला आहे, श्रीमंत आहे असं तिने सांगितलं होतं. मनोज साने जेव्हा तिच्या आयुष्यात आला त्यानंतर ते दोघं कारने आश्रमात यायचे. सरस्वती तिच्यासह इतर मुलांसाठी जेवण, खाऊ आणि कपडे आणायची असंही साळवे यांनी सांगितलं. NDTV ने याविषयीचं वृत्त दिलं आहे. ती सुरुवातीला यायची तेव्हा ती खुश असायची. मात्र दोन वर्षांपासून ती दुःखी होती. जास्त कुणाशी बोलायची नाही. सरस्वती जेव्हा १८ वर्षांची झाली तेव्हा ती अनाथ आश्रमातून तिच्या बहिणीकडे गेली होती. असंही साळवे यांनी स्पष्ट केलं.

आणखी वाचा

बाबा सिद्दीकी हत्या प्रकरण: आरोपींना आर्थिक मदत करणाऱ्याला अटक

Nana Patole : निकालाआधी राजकीय घडामोडींना वेग; यातच…

मुंबई: हातावर गोंदवलेल्या प्रेयसीच्या नावामुळे लागला हत्येचा छडा, प्रेमप्रकरणावरून बिहारमधील तरुणाची मुंबईत हत्या

डंपरच्या धडकेत दुचाकीवरील सहप्रवासी तरुणाचा मृत्यू, मुंबई-पुणे रस्त्यावरील बोपोडीत अपघात

पुणे : बंडगार्डन रस्त्यावर तरुणाचा खुनाचा प्रयत्न, दोघांविरुद्ध गुन्हा

प्रेयसीला अमेरिकेला पाठवलं म्हणून संतापलेल्या प्रियकराने तिच्या वडिलांवर केला गोळीबार; कुठे घडली घटना?

मुंबई: १९ वर्षांपासून फरार आरोपी आरोपीला अखेर पकडले

भाईंदर: महापालिकेच्या सेल्फी पॉईंटमधील विजेचा धक्का, जखमी मुलीचा उपचारादरम्यान मृत्यू

मनोज साने शेजाऱ्यांच्या सतर्कतेमुळे कसा पकडला गेला?

मनोज सानेच्या घरासमोर राहणारा त्याचा शेजारी सोमेश याने सांगितलं की दोन ते तीन दिवसांपासून मनोजच्या घरातून दुर्गंध येत होता. सुरुवातीला आम्हाला वाटलं उंदीर वगैरे मेला असेल. त्याचा वास येत असेल. त्यामुळे मी त्याच्या घराचा दरवाजाही ठोठावला पण त्याने दार उघडलं नाही. त्यानंतर स्प्रे मारण्याचा आवाज आला आणि दुर्गंधी ऐवजी रुम फ्रेशनरचा वास येऊ लागला. तेव्हा सोमेशने पोलिसांना कळवलं आणि सदर घटना उघडकीस आली.

पोलिसांनी घटनास्थळी काय पाहिलं?

पोलिसांनी दिलेल्या माहितीनुसार मनोजच्या घरात वुड कटर, तीन बादल्यांमध्ये सरस्वतीच्या मृतदेहाचे तुकडे, काळी पॉलिथिन बॅग, पातेल्यांमध्ये मृतदेहाचे तुकडे, मिक्सरमध्ये अंश असं सगळं भयंकर चित्र त्या ठिकाणी पाहायला मिळालं. यानंतर पोलिसांनी मनोज सानेला अटक केली आहे.