मुंब्रा जामा मशीदीसमोर हनुमान चालिसासाठी मनसेने मागितली परवानगी

गेल्या काही दिवसांपासून शहरात मशीदींवरील भोंग्यावरून संपूर्ण राज्याचे राजकारण तापले आहे. मनसेचे अध्यक्ष राज ठाकरे यांनी ३ मे पर्यंत मशीदींवरील भोंगे उतरवा अन्यथा मशीदींसमोर ध्वनीक्षेपकावर हनुमान चालिसा लावण्याचा इशारा दिला होता. त्यानुसार आता मनसेच्या पदाधिकाऱ्यांनी तयारी सुरू केली आहे. मनसेचे ठाणे जिल्हाध्यक्ष अविनाश जाधव यांनी ३ मे ला कौसा येथील जामा मशीदीसमोर ध्वनीक्षेपक लावण्यास परवानगी मागितली आहे. त्यासाठी त्यांनी मुंब्रा पोलिसांना ई-मेलद्वारे पत्र पाठविले आहे. सकाळी ६, दुपारी १, सायंकाळी ५ आणि रात्री ८ या कालावधीत या ध्वनीक्षेपकावर हनुमान चालिसा लावण्याची परवानी मिळावी असे त्यात म्हटले आहे. या पत्रामुळे कायदा सुव्यस्थेचा प्रश्न निर्माण होण्याची शक्यता आहे.