मोडक महाराज यांचे पुणे-सातारा मार्गावर भीषण कार अपघातात निधन

पुणे बंगलोर महामार्गावर साताऱ्यातील सातारा शहरातील अजिंठा चौक परिसरात मोटर दुभाजकावर आढळून हा अपघात झाला. यामध्ये मोटारीच्या समोरील काच फोडून अरुण सिताराम मोडक हे बाहेर फेकले गेल्याने त्यांचा मृत्यू झाला. कल्याण येथील स्वामी समर्थ मठातील अरुण मोडक हे मोटारीने कल्याण हुन कोल्हापूर कडे जात होते. यावेळी गणेश जगदीश नरडूक हे गाडी चालवत होते. पहाटेच्या सुमारास ते अजंठा चौक परिसरात आले. यावेळी चालक नरडूक यांना दुलकी लागल्याने त्यामुळे मोटार महामार्गाच्या दुभाजकावर जाऊन आदळली. अचानक धडक बसल्याने शेजारी बसलेले अरुण मोडक हे समोरच्या काचेतून बाहेर फेकले गेले. महामार्गावर पडल्याने त्यांचा जागीच मृत्यू झाला.

महाराजांचे पार्थिव अंत्यदर्शनासाठी कल्याण येथील श्री स्वामी समर्थ मठात ठेवले जाणार आहे. ही बातमी समजताच राज्यभरातील भक्तगण कल्याणच्या दिशेने रवाना झाले आहेत.