“मुख्यमंत्री वडिलांच्या निधीमुळे खासदार शिंदेंच्या फक्त…”, राजू पाटील यांची श्रीकांत शिंदेंवर टीका, म्हणाले “‘नाथ’ घरी आहेत म्हणून…”

त्यावर प्रतिउत्तर देत आमदार पाटील यांनी खासदार डाॅक्टर श्रीकांत शिंदे यांच्यावर ट्विटरच्या माध्यमातून टीका केली आहे. मागील सात ते आठ महिन्यांपासून खासदार शिंदे आणि आमदार पाटील यांच्यामधील पत्र, फलकबाजी, ट्विटर युध्द थंडावले होते. त्यामुळे या दोघांचे मनोमिलन झाल्याची चर्चा सुरू होती. परंतु, खासदार शिंदे यांनी मंगळवारी डोंबिवली जवळील खोणी-शिरढोण गावाजवळील म्हाडा वसाहतीमधील रहिवाशांच्या कार्यक्रमात आमदार पाटील या्ंच्या कार्यपध्दतीचा समाचार घेतल्याने आमदार पाटील यांनी शिंदे यांना जशास तसे उत्तर दिले आहे.

आणखी वाचा

…विकास हाच आमचा अजेंडा, मुख्यमंत्री एकनाथ शिंदे यांचे स्पष्ट प्रतिपादन

Nana Patole : निकालाआधी राजकीय घडामोडींना वेग; यातच…

विकास विरोधी, शिवसेनेचा विचार काँग्रेसच्या दावणीला बांधलेले सरकार उलथवून टाकले, मुख्यमंत्री एकनाथ शिंदे यांचे महाविकास आघाडी सरकारवर टीकास्त्र

“विरोधकांनी योजनांसह वचननामाही चोरला…”, मुख्यमंत्री एकनाथ शिंदेंची अंबरनाथमध्ये टीका

महाविकास आघाडीने जाहीरनामा चोरला; एकनाथ शिंदे यांचा आरोप

मुख्यमंत्री शिंदे म्हणतात, “धनुष्य चोरायला ते काही खेळणं आहे का? लाडक्या बहिणींना एकविसशे रुपये…”

“महायुतीत मिठाचा खडा टाकू नका”, मुख्‍यमंत्री एकनाथ शिंदे, उपमुख्‍यमंत्री अजित पवारांनी रवी राणांना खडसावले

“महाराष्ट्र दरोडेखोर अन् गुंडांच्या हाती”, उद्धव ठाकरेंची शिंदे गटावर सडकून टीका; पक्षचिन्हावरून माजी सरन्यायाधीशांनाही केलं लक्ष्य; म्हणाले…

हेही वाचा >>> “कल्याण लोकसभा लढविताना नावापुढं…”, श्रीकांत शिंदेंचा राजू पाटलांना टोला

घरी मुख्यमंत्री एकनाथ शिंदे आहेत म्हणून ही सगळी खासदारांची मुजोरी आहे. वडिलांनी आपल्या वजनाने एमएमआरडीए, एमएसआरडीसीकडून कल्याण लोकसभा मतदारसंघातील विकास कामांसाठी निधी दिला म्हणून खासदार शिंदे करोडोंच्या बाता करतात. कामाने उत्तर दिले असते तर या मतदारसंघात नागरी समस्या राहिल्या नसत्या. मीच कल्याण लोकसभेचा खासदार असेन हे सांगण्याची वेळ खासदारांवर आली नसती. त्यातच मोठी मेख आहे, अशी टीका पाटील यांनी केली. रेल्वे प्रवाशांना दररोज मरण यातना सहन करुन का प्रवास करावा लागतो. डोंबिवलीतील काँक्रीट रस्ते पाहून हे रस्ते शेणाने सासारवलेले आहेत की काय, असा प्रश्न पडतो, अशी टीका आमदार पाटील यांनी केली आहे.

हेही वाचा >>> Maharashtra News Live: “…मग हे सरकार खूनी नाही तर काय आहे?” ‘त्या’ प्रकरणावरून संजय राऊतांचा परखड सवाल!

राजू पाटील यांनीही मनसे अध्यक्ष राज ठाकरे यांनी आदेश दिला तर आपण कल्याण लोकसभेची निवडणूक लढू शकतो, असे वक्तव्य केले होते. या वक्तव्याचा समाचार घेताना खासदार शिंदे यांनी या भागातील काहींना लोकसभेची स्वप्ने पडू लागली आहेत. स्वप्ने प्रत्येकाला पडलीच पाहिजेत. स्वप्ने पाहण्यापूर्वी आपले काम, कर्तृत्व काय आहे हे पण एकदा तपासून पाहण्याची गरज आहे. लोक उगाच मतदान करत नाहीत. मागील पाच वर्षात कोणती विकासाची कामे केली हे त्यांनी एकदा तपासून पहावे आणि मग लोकसभा उमेदवारीची स्वप्ने पहावीत. अन्यथा, आपल्या नावापुढचा आजी शब्द जाऊन माजी शब्द लागण्याची अधिक भीती आहे, अशी टिपण्णी खासदार शिंदे यांनी आमदार पाटील यांचे नाव न घेता केली होती.