ठाणे : वागळे इस्टेटमधील बहुमजली वाहनतळाची क्षमता वाढणार

ठाणे शहरातील विविध रस्त्यांवर बेकायदा उभ्या केल्या जाणाऱ्या वाहनांमुळे वाहतूक कोंडीची समस्या निर्माण होत असून या प्रकाराला आळा बसावा यासाठी ठाणे महापालिका प्रशासनाकडून वाहनतळांची उभारणी करण्यात येत आहे. त्यापाठोपाठ महाराष्ट्र औद्योगिक विकास महामंडळाने ठाणे येथील वागळे इस्टेट भागातील नेहरूनगरमधील पी -४२ या भुखंडावर ५७९ वाहन क्षमतेचे बहुमजली वाहनतळ उभारणीचा निर्णय घेतला होता. महाराष्ट्र औद्योगिक विकास महामंडळाने ठाणे शहरातील वागळे इस्टेट भागात औद्योगिक क्षेत्राची स्थापना १९६० साली केली. या भागाचे क्षेत्रफळ २५७.२३ हेक्टर इतके आहे. या क्षेत्रात औद्योगिक, व्यापारी, सुविधा असे एकूण ८९९ भुखंड आरेखित आहेत.

आणखी वाचा

मतदानाच्या दिवशी बेस्ट बसच्या जादा फेऱ्या; दिव्यांग, वृद्ध मतदारांसाठी ‘लो फ्लोअर डेक’ बस धावणार

२१ नोव्हेंबर पंचांग: वर्षातील शेवटचा गुरुपुष्यामृत योग कोणत्या…

गावाकडच्या दुबार मतदारांमुळे नवी मुंबईत खळबळ

Movable And Immovable Property : स्थावर व जंगम मालमत्ता म्हणजे नेमके काय? या दोन मालमत्तांतील फरक काय? जाणून घ्या, कायदा काय सांगतो?

प्रचार मिरवणूकांमुळे रिक्षा चालकांना अच्छे दिन, तीन ते चार तासांसाठी रिक्षा चालकांना मिळतात ५०० ते १ हजार रुपये

एपीएमसीतील पार्किंग समस्या जटिल, ट्रकच्या दुहेरी पार्किंगमुळे वाहतूक कोंडी

डोंबिवली पलावा वसाहतीमधील अलिशान सदनिकेतून विदेशी वन्यजीव जप्त, ठाणे वन विभागाची कारवाई

मुंबईलगतची महानगरे विधानसभेतही  शिंदे-फडणवीसांना साथ देणार का? येथील जागा महायुतीसाठी महत्त्वाच्या का?

हे ही वाचा…बदलापूर : ‘ती’ शाळा पूर्वपदावर आणण्यासाठी प्रयत्न; पालकांशी संवाद सुरू, प्रशासकांच्या हालचाली

त्यापैकी ६९८ औद्योगिक भुखंडाचे उद्योजकांना वाटप करण्यात आले आहे. ६९८ पैकी ६१७ भुखंडावर कारखाने सुरू आहेत. महामंडळाने औद्योगिक क्षेत्रातील ५३ भुखंड निवासी म्हणून आरक्षित केले आहेत. तसेच वागळे इस्टेटमधील औद्योगिक क्षेत्र हे २००६ पासून माहिती व तंत्रज्ञान क्षेत्र म्हणून घोषित करण्यात आले आहे. या वसाहतींमध्ये रस्त्यावर बेकायदा वाहने उभी केली जात असून यामुळे कोंडीची समस्या निर्माण होते. ही समस्या सोडविण्यासाठी मुख्यमंत्री एकनाथ शिंदे यांच्या उपस्थितीत झालेल्या बैठकीत वाहनतळ उभारणीचा घेण्यात आला होता.

त्यानुसार वागळे इस्टेटमधील नेहरूनगर भागात वाहनतळ उभारणीचा प्रस्ताव तयार करून त्यास मान्यता देण्यात आली होती. त्याचे भुमीपुजन सात महिन्यांपुर्वी मुख्यमंत्री शिंदे यांच्या हस्ते होते. वाहनतळाची क्षमता वाढवून जास्तीत जास्त वाहने उभे राहतील याची व्यवस्था करावी, असे निर्देश मुख्यमंत्री शिंदे यांनी भुमीपुजन कार्यक्रमादरम्यान दिले होते. त्यानुसार महामंडळाने आराखड्यात बदल करून वाहनतळाची क्षमता वाढविली आहे.

हे ही वाचा…लोणी खाणाऱ्याची हंडी दोन महिन्यांनी फोडणार; शिवसेनेच्या माजी नगराध्यक्षाच्या वक्तव्याने पुन्हा चर्चा

आराखड्यात बदल

महाराष्ट्र औद्योगिक विकास महामंडळाच्या वागळे औद्योगिक क्षेत्रातील भूखंड क्रमांक पी-४२ येथे बहुमजली वाहनतळ इमारतीची उभारणी करण्यात येणार आहे. जुन्या आराखड्यानुसार तळ अधिक पाच मजली इमारत बांधण्यात येणार होती. इमारतीच्या गच्चीचा वापर वाहन पार्किंगसाठी केला जाणार होता. या कामासाठी ३१ कोटी २२ लाख रुपये इतका खर्च केला जाणार आहे. १३९ दुचाकी, १४७ तीनचाकी, २५९ चारचाकी असे एकूण ५८९ क्षमतेचे वाहनतळ होते. ३२६७ चौ.मी भुखंडावर १३३१०.०३ चौमी इतके बांधीव क्षेत्र असणार आहे. हा आराखडा रद्द करून नवीन आराखडा तयार करण्यात आला आहे. यानुसार तळ अधिक सात मजली इमारत बांधण्यात येणार असून इमारतीच्या गच्चीचा वापर वाहन पार्किंगसाठी केला जाणार आहे. यात दुचाकी वगळण्यात आल्या आहेत. ३४१ तीनचाकी, ३७७ चारचाकी असे एकूण ७१८ क्षमतेचे वाहनतळ असणार आहे. ३२६७ चौ.मी भुखंडावर १९२७५.८४ चौमी इतके बांधीव क्षेत्र असणार आहे, अशी माहिती सुत्रांनी दिली.7