आठवडा बाजार बंद पालिका प्रशासनाची धडक कारवाई

शहरातील वाहतुकीसाठी मोठा अडथळा ठरणारे आठवडा बाजार बंद करण्याचा निर्णय ठाणे महापालिकेने घेतला असून शहरात सुरू असलेल्या बाजारांवर धडक कारवाई सुरू केली आहे. या मोहिमेंतर्गत सोमवारी खारेगांव, मंगळवारी ढोकाळी, बुधवारी लोकमान्यनगर, गुरुवारी कासारवडवली, शुक्रवारी पातलीपाडा आणि शनिवारी मनोरमानगर येथे भरणारे आठवडा बाजार बंद करण्यात आले आहेत.