डायघर कचरा प्रकल्प सुरू करण्यासाठी पालिकेच्या हालचाली; पालिकेची संबंधित ठेकेदाराला नोटीस

ठाणे : ठाणे महापालिकेने हद्दीबाहेर म्हणजेच भंडर्ली येथे तात्पुरत्या स्वरुपात उभारलेल्या कचरा प्रकल्प बंद करण्याचे आश्वासन ग्रामस्थांना दिल्यानंतर पालिका प्रशासनाने डायघर कचरा प्रकल्प सुरू करण्यासाठी हालचाली सुरू केल्या आहेत. त्याचाच एक भाग म्हणून ३० सप्टेंबरच्या मुदतीत हा प्रकल्प सुरू करण्यास अपयशी ठरलेल्या ठेकेदाराला पालिका प्रशासनाने नोटीस बजावली असून त्यात २० ऑक्टोबरनंतर प्रकल्पाच्या ठिकाणी कचरा नेण्यात आला नाही तर, दरदिवशी १३ लाखांचा दंड वसुल करण्यात येईल, असा इशारा देण्यात आला आहे.

आणखी वाचा

तक्रारदाराची तक्रार बंद करताना पुणे महापालिकेचा मोठा निर्णय

Bigg Boss Marathi 5: सर्व एलिमिनेटेड सदस्यांची घरात…

अटल सेतूवरून होणाऱ्या आत्महत्या रोखण्यासाठी आयआयटीची घेणार; ‘एमएमआरडीए’ लवकरच तज्ज्ञांची समिती स्थापन करणार

भूखंडाचे तुकडे करणाऱ्या प्रकल्पांची चौकशी; ‘म्हाडा’च्या पत्रानुसार नाशिक जिल्हा प्रशासनातर्फे समिती स्थापन

मिठागरांच्या जागेवर धारावी प्रकल्पग्रस्त; २५६ एकर जमिनीवर पुनर्वसनासाठी इमारती बांधण्यास मंत्रिमंडळाची मंजुरी

पेंच व्याघ्रप्रकल्प प्रशासनाविरोधात गावकरी रस्त्यावर

राजकोट किल्ल्यावर शिवाजी महाराजांचा नव्याने पुतळा उभारण्याची प्रक्रिया सुरू, निविदा प्रसिद्ध

पिंपरी : उद्याने, हिरवळीच्या ठिकाणांना सायकल ट्रॅक, पदपथांनी जोडणार; काय आहे हरित सेतू प्रकल्प?

ठाणे महापालिकेने हद्दीबाहेर म्हणजेच भंडर्ली येथे तात्पुरत्या स्वरुपात उभारलेल्या कचरा प्रकल्पास ग्रामस्थांकडून तीव्र विरोध होऊ लागला असून हा प्रकल्प बंद करण्यासाठी मनसे आमदार प्रमोद उर्फ राजू पाटील यांच्या नेतृत्वाखाली ग्रामस्थांनी रविवारी कचरावाहू वाहने रोखून धरली होती. या आंदोलनानंतर ठाणे महापालिका मुख्यालयात सोमवारी एक बैठक आयोजित करण्यात आली होती. या बैठकीत पालिका आयुक्त अभिजीत बांगर यांनी आमदार पाटील यांच्यासह ग्रामस्थांसोबत चर्चा करून त्यांच्या समस्या जाणून घेतल्या. या बैठकीत कचराभुमी बंद करण्याचा आग्रह ग्रामस्थांनी धरला होता. अखेर २५ ऑक्टोबरनंतर हा प्रकल्प बंद करण्यात येईल, असे आश्वासन आयुक्त बांगर यांनी यावेळी दिले. या आश्वासनानंतर पालिका प्रशासनाने डायघर कचरा प्रकल्प सुरू करण्यासाठी हालचाली सुरू केल्या आहेत.

हेही वाचा >>> कळवा रुग्णालयातील १८ रुग्णांचे मृत्यू प्रकरण, चौकशी अहवाल शासनाकडे; विभागप्रमुखांवर निष्काळजीपणाचा ठपका…

डायघर येथे कचऱ्यापासून वीज निर्मिती करण्याचा प्रकल्प उभारणीचे काम सुरू आहे. ३० सप्टेंबरपर्यंत हा प्रकल्प सुरू होणे अपेक्षित होता. परंतु अद्यापही हा प्रकल्प सुरू होऊ शकलेला नाही. यामुळे भंडार्ली येथील प्रकल्प बंद करणे शक्य होत नसून यामुळे स्थानिकांच्या रोषाला पालिकेला सामोरे जावे लागत आहे. डायघर कचरा प्रकल्पाच्या ठिकाणी वीजेचा रोहीत्र बसविण्यात येणार होता. तो चार्जिंगवर चालणार आहे. परंतु त्याच्या चार्जींगसाठी वीज जोडणी मिळत नसल्यानेही काहीसा विलंब होत आहे. तसेच इतरही काही तांत्रिक अडचणी निर्माण झाल्या होत्या. परंतु या सर्व कामाची जबाबदारी ठेकेदाराची सुद्धा होती. त्यामुळे ठेकेदारा नोटीस बजावण्यात आली आहे. त्यात २० ऑक्टोबरनंतर प्रकल्पाच्या ठिकाणी कचरा नेण्यात आला नाही तर, दरदिवशी १३ लाखांचा दंड वसुल करण्यात येणार असल्याचे म्हटले आहे, असे पालिका प्रशासनाकडून सांगण्यात आले.