राष्ट्रवादी काँग्रेसच्या शरद पवार गटाचे आमदार व प्रतोद जितेंद्र आव्हाड यांनी आज विधानसभेत पुन्हा एकदा ठाणे महानगर पालिकेतील ‘सुमित बाबा’नामक व्यक्तीचा उल्लेख केला. गेल्या अधिवेशनातही जितेंद्र आव्हाडांनी या व्यक्तीच्या नावाचा उल्लेख केला होता. त्यामुळे नेमकी ही व्यक्ती आहे तरी कोण? याची उत्सुकता निर्माण झाली आहे. यासंदर्भात ठाण्याच्या राजकीय वर्तुळातून वेगवेगळे तर्क-वितर्क लावले जात आहेत. आज जितेंद्र आव्हाडांनी विधानसभेत बोलताना “हा सुमित बाबा आयुक्तांच्या खांद्याला खांदा लावून फिरत असतो”, असं म्हणत जितेंद्र आव्हाडांनी टीका केली.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

ठाण्यातील समस्यांचा आव्हाडांनी वाचला पाढा!

“ठाणे स्मार्ट सिटी हे स्वप्नं पाहून आता ठाणेकर कंटाळले आहेत. हे शहर स्मार्ट होणार कधी? हा प्रश्न प्रत्येक ठाणेकराला पडला आहे. काँक्रिटीकरणात मधलाच पट्टा उखडला जातोय. काही ठिकाणी काँक्रिटीकरण करताना फक्त पंजे मारून त्यावर रोलिंग केलं जातं. साडेतीन किलोमीटरच्या रस्त्याला कोणत्याही वळणाचा भाग न देता डिव्हायडर टाकले जातात. म्हणजे यू टर्न मारायचा असेल, तर पाच किलोमीटर पुढे जाऊन यायचं. त्यामुळे ट्रॅफिक जाम होतोय. कुणाचंही काहीच लक्ष नाही. लक्ष फक्त एकाच माणसाचं आहे. त्याचं नाव आहे सुमित बाबा. हा सुमित बाबा पालिका आयुक्तांच्या खांद्याला खांदा लावून फिरत असतो. हा सुमित बाबा कोण आहे? त्याची आरती कोण करतं?” असा सवाल आव्हाडांनी विधानसभेत केला.

आणखी वाचा

“हा सुमित बाबा सांगतो की तुमच्या भाग्यात हा टर्न धोक्याचा आहे, की तो टर्न बंद केला जातो. सुमित बाबा सांगतो हा टर्न मारा, मग आपले आयुक्त साहेब टर्न मारतात. हा सुमित बाबा कोण आहे? हे शोधूनकाढण्याचे आदेश सरकारला देण्यात यावेत”, अशी मागणी आव्हाडांनी विधानसभा अध्यक्षांकडे केली.

“मलाही सुमीत बाबाचा भक्त व्हायचंय”, जितेंद्र आव्हाडांचा खोचक टोला; म्हणाले, “बाबानी फोन केला की लगेच…!”

“ठाण्याच्या उड्डाणपुलांवर किंवा गल्ल्यांमधल्या लाईट्सच्या पोलवर स्पायरल लाईट लावलेत. पण त्यातले ९० टक्के बंद आहेत. त्याची बिलं देऊन झालेली आहेत. ठाण्यातल्या विविध रस्त्यांवर पेंटिंग करण्यात आलं आहे. स्वच्छतागृहांमध्ये भांडी नाहीत, दारं नाहीत, गरीब माणूस शौचासाठी डोंगरावर जातो. याची जबाबदारी कुणाची? यासाठी दिलेल्या पैशांचं वाटोळं झालं. स्पायरल लाईटवर चौकशी लावा”, अशीही मागणी जितेंद्र आव्हाडांनी केली.

ठाण्यातील समस्यांचा आव्हाडांनी वाचला पाढा!

“ठाणे स्मार्ट सिटी हे स्वप्नं पाहून आता ठाणेकर कंटाळले आहेत. हे शहर स्मार्ट होणार कधी? हा प्रश्न प्रत्येक ठाणेकराला पडला आहे. काँक्रिटीकरणात मधलाच पट्टा उखडला जातोय. काही ठिकाणी काँक्रिटीकरण करताना फक्त पंजे मारून त्यावर रोलिंग केलं जातं. साडेतीन किलोमीटरच्या रस्त्याला कोणत्याही वळणाचा भाग न देता डिव्हायडर टाकले जातात. म्हणजे यू टर्न मारायचा असेल, तर पाच किलोमीटर पुढे जाऊन यायचं. त्यामुळे ट्रॅफिक जाम होतोय. कुणाचंही काहीच लक्ष नाही. लक्ष फक्त एकाच माणसाचं आहे. त्याचं नाव आहे सुमित बाबा. हा सुमित बाबा पालिका आयुक्तांच्या खांद्याला खांदा लावून फिरत असतो. हा सुमित बाबा कोण आहे? त्याची आरती कोण करतं?” असा सवाल आव्हाडांनी विधानसभेत केला.

आणखी वाचा

“हा सुमित बाबा सांगतो की तुमच्या भाग्यात हा टर्न धोक्याचा आहे, की तो टर्न बंद केला जातो. सुमित बाबा सांगतो हा टर्न मारा, मग आपले आयुक्त साहेब टर्न मारतात. हा सुमित बाबा कोण आहे? हे शोधूनकाढण्याचे आदेश सरकारला देण्यात यावेत”, अशी मागणी आव्हाडांनी विधानसभा अध्यक्षांकडे केली.

“मलाही सुमीत बाबाचा भक्त व्हायचंय”, जितेंद्र आव्हाडांचा खोचक टोला; म्हणाले, “बाबानी फोन केला की लगेच…!”

“ठाण्याच्या उड्डाणपुलांवर किंवा गल्ल्यांमधल्या लाईट्सच्या पोलवर स्पायरल लाईट लावलेत. पण त्यातले ९० टक्के बंद आहेत. त्याची बिलं देऊन झालेली आहेत. ठाण्यातल्या विविध रस्त्यांवर पेंटिंग करण्यात आलं आहे. स्वच्छतागृहांमध्ये भांडी नाहीत, दारं नाहीत, गरीब माणूस शौचासाठी डोंगरावर जातो. याची जबाबदारी कुणाची? यासाठी दिलेल्या पैशांचं वाटोळं झालं. स्पायरल लाईटवर चौकशी लावा”, अशीही मागणी जितेंद्र आव्हाडांनी केली.