नववर्षांच्या गुढीला खास वस्त्रांचा साज; खण, काठपदराच्या कापडासोबत पैठणी, रेशीम, कॉटनचाही पर्याय

पूर्वा साडविलकर
ठाणे : मराठी नववर्षांच्या निमित्ताने घरोघरी गुढी उभारण्याची परंपरा वर्षांनुवर्षे रुजली आहे. मात्र, गेल्या काही वर्षांत गुढीला पारंपरिक साधा साज देण्याऐवजी आकर्षक रूपडे देण्याचे वेगवेगळे प्रयत्न सुरू आहेत. गुढीसाठी खण, काठपदर, पैठणी, सिल्क कॉटन अशा विविध प्रकारच्या कापडांपासून केलेले वस्त्र बाजारात उपलब्ध असून त्याला मागणीही जोरात आहे.
गुढीपाडव्यानिमित्त गुढी उभारताना पूर्वी नव्या साडीचा वापर केला जात होता. गेल्या काही वर्षांपासून गुढीच्या वस्त्रांचा नवा ट्रेंड बाजारात पाहायला मिळत आहे. यामध्ये खण, काठपदर, पैठणी, सिल्क कॉटन, प्लेन कॉटन अशा कापडापासून हे वस्त्र तयार केले जाते. प्लेन कॉटनचे कापड आणि त्याला आकर्षक अशी रेशीम, साडीच्या काठापासून अशा प्रकारे हे वस्त्र गुढीच्या आकारानुसार तयार केले जात आहे. शिवणकाम करणाऱ्या महिलांकडे हे वस्त्र तयार करण्यासाठी मोठी मागणी यंदा नोंदवली जात आहे, अशी माहिती ठाण्यातील व्यावसायिक अर्चना परचुरे यांनी दिली. वस्त्राच्या आकारानुसार त्याची किंमत ठरवली जाते, असे त्या म्हणाल्या.
ऑनलाइन विक्रीही जोरात
ऑनलाइन बाजारातही आकर्षक असे गुढीचे वस्त्र विक्रीसाठी उपलब्ध झाले आहेत. या वस्त्रांना मोठी मागणी आहे. दोनशे ते पाचशे रुपयांना हे वस्त्र विकले जातात. गेल्या वर्षी ही किंमत कमी होती. यंदा मात्र मागणी खूपच वाढल्याने दरही वाढले आहेत, अशी माहिती मिहीर कांबळी या विक्रेत्याने दिली.

आणखी वाचा

स्वेटर, शॉल शोधलीत का…? कारण, उद्यापासून हुडहुडी…

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

चंद्रपूर: स्नेहमिलन दिवाळीचे, जेवणात मटनचॉप्स…निवडणुकीने सणाची व्याख्याच…

झोपडपट्टीतील मुला-मुलींनी तयार केला सब्यसाची-प्रेरित ब्रायडल कलेक्शन! स्वत:च मॉडेलिंग करत केले हटके फोटोशूट, पाहा Video Viral

‘एक नात आयुष्यभराच…’ गजऱ्याच्या मुंडावळ्या बांधून आजी-आजोबा उभे राहिले लग्नाला; VIRAL VIDEO एकदा बघाच

नव्या संचातील ‘वस्त्रहरण’चा शेवटचा प्रयोग आज ठाण्यात, नेत्यांनाही भुरळ

CM Eknath Shinde : “बॅगेत फक्त कपडे, युरिन पॉट…”, मुख्यमंत्री एकनाथ शिंदेंच्याही सामानांची तपासणी!

योगींच्या ‘बटेंगे तो कटेंगे’नंतर पंतप्रधान मोदींकडून ‘एक हैं तो सेफ है’चा नारा