बदलापूरमध्ये शनिवारी वृत्तपत्रविषयक परिषद

बदलापूरातील आदर्श कला व वाणिज्य महाविद्यालयातर्फे ‘भारतीय वृत्तपत्रांची भूमिका – वसाहतिक ते समकालिन कालखंड’ या विषयावर ६ व ७ फेब्रुवारी रोजी राष्ट्रीय परिषदेचे आयोजन करण्यात आले असल्याची माहिती महाविद्यालयाच्या इतिहास विभागाचे प्रा. ठाकूर यांनी दिली. या परिषदेला ज्येष्ठ पत्रकार उपस्थित राहणार असल्याचे त्यांनी सांगितले. शुक्रवारी ६ फेब्रुवारी रोजी सकाळी १० वा. ज्येष्ठ पत्रकार अरूण टिकेकर यांच्या हस्ते या परिषदेचे उद्घाटन होणार असून या परिषदेचे बीजभाषण ते करणार आहेत. पुढील सत्रात स्थानिक वृत्तपत्रे व्याप्ती आणि आवाहने या विषयावर परिसंवाद होणार असून चंद्रशेखर भुयार, दादासाहेब पाटील, गिरीश त्रिवेदी, संजय साळुंखे आदी स्थानिक पत्रकार सहभागी होणार आहेत.