सर्वसामान्यांकडे डोळेझाक नको
अॅड. तन्मय केतकर
कल्याणमध्ये रिक्षाचालकाने वाहतूक पोलिसाला केलेली मारहाण आणि त्यानंतर पोलिसांनी या मुजोर रिक्षाचालकांविरोधात घेतलेली भूमिका जर यापूर्वीच घेतली असती तर त्याला सामान्य नागरिकांचाही पाठिंबा मिळाला असता.
कल्याण स्थानकाबाहेर एका वाहतूक पोलिसाने रिक्षाचालकाला हटकले असता त्यांच्यात वादावादी होत रिक्षाचालकाने त्या पोलिसास मारहाण केली. मुख्य म्हणजे एकही नागरिक या प्रकरणात मध्ये पडला नाही, सगळ्यांनी दुर्लक्ष केले. पुन्हा ‘झाले ते फार वाईट झाले’ असेही कुणी म्हणताना आढळला नाही. झाल्या प्रकाराची पोलीस प्रशासनाने गंभीर दखल घेत रिक्षा चालकांवर कारवाई सुरू केली. रिक्षाचालकांची मुजोरी सहन करणार नाही, अशा वल्गनाही करून झाल्या.
याला कारण सर्वस्वी हे पोलीसच आहेत. आता या घटनेतील पोलीस आणि नागरिक या दोघांची अदलाबदली केली तर हा प्रकार काही नवा नाही. असे प्रकार सर्रास सुरूच असतात. फरक इतकाच की, त्यात सर्वसामान्य नागरिक भरडले जात असताना या सगळ्या प्रकाराकडे पोलिसांनी दुर्लक्ष केले. आजतागायत या रिक्षाचालकांनी कितीतरी नागरिक विशेषत: अपंग, रुग्ण, वृद्ध, गरोदर स्त्रिया, लहान मुले सोबत असलेल्या कित्येक जणांना वेळोवेळी नडलेले आहे, छळलेले आहे. इतके दिवस हे सगळे असेच चाललेले होते. यावेळी पोलीस प्रशासन या प्रकारांकडे डोळेझाक करत होते. मात्र याची धग आता पोलिसांनाही बसली आहे. यामुळेच पोलिसांनी मुजोर रिक्षाचालकांवर कारवाईचा बडगा उगारला आहे.
पोलीस आणि रिक्षाचालक यांच्यात घडलेली ही घटना केवळ एक प्रातिनिधिक उदाहरण असून पोलीस आणि प्रशासनाने वेळीच जागे होणे गरजेचे आहे. सर्व सरकारी व्यवस्था कमी जास्त प्रमाणात कुचकामीच ठरत आहे. परिणामी प्रत्येक बाबतीत मुजोर प्रकार, गैरव्यवहार सुरूच होते आणि आजही सुरू आहेत. या व्यवस्था अशा भ्रमात होत्या की बाकी कुठेही काहीही होऊ दे, आपल्याला त्याचा त्रास व्हायची सुतराम शक्यता नाही. कारण आपण सत्ताधीश आहोत. असेच त्यांना वाटत होते.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
