ठाणे लोकसभेच्या रिंगणात ओबीसी बहुजन पार्टीचा उमदेवार

ठाणे जिल्ह्यात आगरी, कोळी आणि कुणबी समाजाची संख्या मोठी आहे. यामुळेच ओबीसींचा जिल्हा अशी ठाण्याची ओळख आहे. जिल्ह्यात ठाणे, भिवंडी आणि कल्याण असे तीन लोकसभा मतदारसंघ येतात. या तिन्ही मतदारसंघात आगरी, कोळी आणि कुणबी समाज महत्वाची भूमिका ठरविताना दिसून येतो. यामुळे निवडणूक काळात या तिन्ही समाजाच्या भूमिकेकडे सर्वांचे लक्ष लागलेले असते. आपल्या समाजाच्या उमेदवाराला उमेदवारी मिळावी, यासाठी हे समाज प्रमुख पक्षांकडे आग्रह धरताना दिसून येतात. यंदाच्या निवडणुकीत हे चित्र कायम आहे.

आणखी वाचा

खरगेंच्या मुखी समर्थ रामदासांचा श्लोक, पण संजय राऊत निरुत्तर; जाहीरनामा प्रसिद्ध करताना नेमकं काय घडलं?

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

महाविकास आघाडीतील गोंधळ मंत्री सुरेश खाडे यांच्या पथ्थ्यावरच

“मरेपर्यंत पस्तावशील, हे लोक तुला…”, भाजपा आमदाराची भर सभेत अरेरावी; प्रश्न विचारणाऱ्यांना कार्यकर्त्यांनी हुसकावलं

मोदी, शहांकडून फडणवीस यांच्यावर कौतुकाची थाप! मुख्यमंत्री पदाचे संकेत

…तर पंतप्रधान नरेंद्र मोदींच्या सभेत प्रवेशच मिळणार नाही!

पनवेलमध्ये ठाकरेंच्या शिवसेनेत फूट

मुख्यमंत्र्यांच्या आदेशाला महत्व नाही का? उच्च न्यायालयाची महापालिका प्रशासानाला विचारणा

हेही वाचा – बदलापुरात वीज, पाण्यावाचून नागरिकांचे हाल; मध्यरात्री वीज गायब, दिवसाही घामांच्या धारात

कल्याण आणि भिवंडी लोकसभा मतदारसंघात महायुती आणि महाविकास आघाडीने उमेदवार जाहीर केले आहेत. ठाणे लोकसभा निवडणुकीसाठी महाविकास आघाडीने उमदेवार जाहीर केला आहे तर, महायुतीकडून अद्याप उमेदवार जाहीर करण्यात आलेला नाही. महायुतीचा उमदेवार कोणत्या पक्षाचा असणार आणि कोणाच्या गळ्यात उमेदवारीची माळ पडणार याकडे सर्वांचे लक्ष लागले आहे. ठाणे, कल्याण आणि भिवंडी या तिन्ही मतदारसंघात महाविकास आघाडी विरुद्ध महायुती असा सामना रंगणार असल्याची चर्चा असून त्यातच आता प्रकाश अण्णा शेंडगे यांच्या ओबीसी बहुजन पार्टीने ठाणे लोकसभेच्या रिंगणात उमदेवार उतरविला आहे.

हेही वाचा – ठाणे : विमान कंपनीतील कर्मचाऱ्याची ३७ लाख रुपयांची ऑनलाईन फसवणूक

धनगर समाजाचे मल्लिकार्जुन पुजारी यांना उमेदवारी देण्यात आली असून याआधी देखील मल्लिकार्जुन पुजारी यांनी लोकसभा निवडणूक लढवली आहे. यामुळे ही निवडणूक आणखी रंगतदार होण्याची चिन्हे निर्माण झाली आहे. ओबीसी बहुजन पार्टीने उमदेवार दिला असून यामुळे ठाणे लोकसभा निवडणुकीत जातीचे कार्ड चालणार का, हे येत्या काळात स्पष्ट होईल.