मुख्यमंत्र्यांच्या मतदारसंघात रंगतेय अनोख्या स्पर्धेची चर्चा

मुख्यमंत्री एकनाथ शिंदे आणि ठाकरे गटाचे प्रमुख उद्धव ठाकरे यांच्या समर्थकांमध्ये शाखा ताब्यात घेणे, एकमेकांविरोधात आक्षपार्ह विधान करणे यांसारख्या गोष्टींवरून मागील सहा ते सात महिन्यांपासून अनेक वाद विवादाच्या घटना झाल्याचे समोर आले आहेत. तसेच दोन्ही बाजूच्या नेतेमंडळींकडूनही आंदोलने, जाहीरसभा, पक्षाचे कार्यक्रम यांतून परस्परविरोधी घोषणाबाजी, टीकात्मक वक्तव्य केले जात आहे. याच पार्श्वभूमीवर शिवसेना – उद्धव बाळासाहेब ठाकरे पक्षाचे ठाणे उपजिल्हा प्रमुख संजय घाडीगावकर यांच्या वतीने कोपरी – पाचपाखाडी या मुख्यमंत्र्यांच्या मतदारसंघातच एका अनोख्या निबंध आणि व्यंगचित्र स्पर्धेचे आयोजन करण्यात आले आहे. पक्षातर्फे आयोजित करण्यात आलेल्या शिवसप्ताह कार्यक्रमांतर्गत या स्पर्धांचे आयोजन करण्यात आले आहे. मात्र यातील दोन्ही स्पर्धांचे विषय हे अत्यंत मार्मिक स्वरुपाचे असल्याने ठाणे शहरात या स्पर्धेची चांगलीच चर्चा रंगली आहे. तर ही स्पर्धा १४ वर्षांपुढील सर्वांसाठी आयोजित करण्यात आली आहे.

आणखी वाचा

संस्थांची संस्थाने होताना..

Malasian Airlines: बेपत्ता MH370 चा शोध; पुण्यातील प्रल्हाद…

संस्थांची संस्थाने होताना..

रायगडच्या पालकमंत्रीपदावरून आरोपप्रत्यारोप

विरोधकांच्या टीकेला कामातून उत्तर; एकनाथ शिंदे यांचे शरद पवार यांच्यावर टीकास्त्र

लातूरामध्ये पालकमंत्री शिवेंद्रसिंहराजे भोसले मित्र मंडळाची ‘अचानक’ स्थापना

पिंपरीत आजपासून निरंकारी संत समागम; देश, विदेशातील भक्त दाखल

तरुणीच्या आत्महत्येप्रकरणी संजय राठोड यांना दिलासा, फौजदारी कारवाईची मागणी करणारी याचिका निकाली

मार्मिक विषयांची रंगतेय चर्चा

संजय घाडीगावकर यांच्या वतीने आयोजित करण्यात आलेल्या या स्पर्धेत निबंध लेखनासाठी शिवसेना प्रमुख बाळासाहेब ठाकरे, धर्मवीर आनंद दिघे साहेब व बाळासाहेबांचा आदेश आणि शिवसेना, मे २०१४ ते मार्च २०२३ पर्यंतचे अच्छे दिन हे विषय देण्यात आले आहे. तर व्यंगचित्र स्पर्धेसाठी बाळासाहेबांनी दिलेला शेवटचा आदेश मोडणाऱ्यांना बाळासाहेबांनी कोणती शिक्षा दिली असती? शिवसेना (उद्धव बाळासाहेब ठाकरे) काल आज आणि उद्या, शिव पर्व, फितुरी आणि मराठी माणूस यांसारखे विषय देण्यात आले आहेत. तर यातील विजेत्या स्पर्धकांना ११ हजार रुपयांपासून ५ हजार रुपयांपर्यंत रोख रकमेचे पारितोषिकही देण्यात येणार आहे.