६० हजारासाठी हत्या, मृतदेहाचे त्याने केले ३०० तुकडे 

मृत गणेश कोल्हटकर (वय ५८, रा. मीरारोड, ठाणे) याचा मित्र आरोपी पिंटू शर्मा यांच्यात आर्थिक व्यवहार होता. विरारमध्ये पिंटूने काही महिन्याaपूर्वीच भाड्याने घर घेतले होते. गणेश आणि पिंटूमध्ये पैशाच्या व्यवहारातून वाद झाला. १ लाख ६० हजाराचे कर्ज पिंटूने घेतले. त्यापैकी ६० हजार फेडले. उर्वरित ६० हजार देण्याचा तगादा लावला. यामुळे पिंटूने मृत गणेशसोबत पार्टी केली आणि वाद उकरून काढत गणेशाची हत्या केली.

हत्येनंतर मृतदेह नष्ट करण्यासाठी पिंटूने गणेशच्या मृतदेहाचे टप्याटप्प्याने तीन दिवस ३०० तुकडे करून ते शौचालयाच्या टाकीत टाकले. दुर्गंधीचा त्रास सहन न झालेल्या सोसायटीच्या सदस्यांनी साफसफाई मोहीम राबविली. तेव्हा शौचालयाच्या टाकीत मासाचे गोळे आढळले आणि खुनाला वाचा फुटली. पोलिसांनी पिंटूला ताब्यात घेतले असून अधिक तपास पोलीस करीत आहेत.