डोंबिवली रेल्वे स्थानकातील जिन्यावर फलाट क्रमांक पाचवर उतरण्याच्या भागात लाद्या तुटल्या आहेत. या तुटलेल्या लाद्या भागातून घाई घाईत जाताना प्रवाशांचा पाय घसरणे, मुरगळण्याचे प्रकार वाढले आहेत. एखादा प्रवासी लोकल पकडण्यासाठी धावत असेल तर तो या तुटलेल्या लाद्यांच्या भागात पाय घसरुन पडत आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

तुटलेल्या लाद्यांचा सर्वाधिक फटका मोबाईलमध्ये पाहत चालणाऱ्या प्रवाशांना बसत आहे. जिन्यावरुन चालताना तुटलेल्या लाद्यांच्या भागात पाऊल टाकले की समतल भागातून थेट खड्ड्यात पाय पडतो. त्यामुळे तोल जाऊन प्रवासी जागेवरच कोसळतो. काही प्रवाशांचे पाय मुरगळतात. सकाळच्या वेळेत या भागात पाय घसरुन पडणाऱ्या प्रवाशांचे सर्वाधिक आहे. अर्धा तासाच्या अंतरात या तुटलेल्या लाद्यांच्या भागात १० हून अधिक प्रवाशांना आचका बसतो.

आणखी वाचा

हेही वाचा: एचडीएफसी बँकेच्या क्रेडीट कार्डच्या माध्यमातून कल्याण मधील महिलेची फसवणूक

डोंबिवली रेल्वे स्थानकात दररोज सकाळ, संध्याकाळ सफाई कामगारांकडून सफाई केली जाते. व्यवस्थापक स्थानकावर फेरफटका मारतात. रेल्वे पोलीस तुटलेल्या लाद्यांच्या भागात प्रवासी पडताना बघतात. त्यामुळे या भागात नवीन लाद्या आणून बसवाव्यात असे स्थानक यंत्रणेला का वाटत नाही. दहा लाद्यांमध्ये तुटलेला भाग समतल होणार आहे. अनेक महिन्यांपासून या तुटलेल्या लाद्यांकडे पाहत रेल्वे यंत्रणा गुपचिळी धरुन बसली आहे. एखाद्या प्रवाशाचा याठिकाणी पाय मुरगळून मोठी दुखापत झाली तर त्याला जबाबदार कोण, असे प्रश्न रेल्वे प्रवासी संघटनेकडून उपस्थित केले जात आहेत.

हेही वाचा: अंबरनाथः वालधुनी नदीवर फेसाळ थर; रासायनिक सांडपाण्यामुळे फेस आल्याचा संशय

तुटलेल्या लाद्या भागात नवीन लाद्या बसवाव्यात किंवा तेथे सिमेंटचा गिलावा टाकण्याची मागणी प्रवाशांकडून करण्यात येत आहे. दररोज १० ते १५ प्रवाशांना तुटलेल्या लाद्यांचा फटका बसत आहे. हे प्रवासी लंगडत जाऊन लोकल पकडत आहेत, असे प्रत्यदर्शीने सांगितले.