छेड काढणाऱ्या तरूणाचे गुप्तांग महिलेने कापले, तिघे अटकेत

या महिलेने तिची छेड काढणाऱ्या 30 वर्षीय तरुणाला रेल्वे स्थानकाजवळ असलेल्या निर्जन स्थळी बोलावलं. या ठिकाणी या महिलेचे मित्र आधीच दबा धरून बसले होते. त्यांनी या तरुणाला झाडाला बांधलं आणि बेदम मारहाण केली. त्यानंतर या तरुणाचे गुप्तांग कापले आणि त्या ठिकाणाहून हे तिघेही पळून गेले. या घटनेची माहिती पोलिसांना मिळाली. त्यानंतर पोलिसांनी घटनास्थळी धाव घेत जखमी तरुणाला एम्स रुग्णालयात दाखल केले. त्या तरुणाची स्थिती गंभीर असून त्याच्यावर उपचार सुरु आहेत अशी माहिती मानपाडा पोलिसांनी दिली आहे. तसेच याप्रकरणी या महिला आणि तिच्या दोन मित्रांना अटक करण्यात आली आहे.