डोंबिवलीत कोयता घेऊन फिरणाऱ्या तडीपार गुंडाला अटक; कल्याण गुन्हे शाखेची कारवाई

सागर उर्फ डोळा काशिनाथ दाते (२८) असे या गुंडाचे नाव आहे. त्याच्यावर डोंबिवलीतील पोलीस ठाण्यात शस्त्र, धारदार शस्त्रे घेऊन दहशत माजविणे, शांततेचा भंग करणे असे चार गुन्हे दाखल आहेत. तडीपार असताना सागर पुन्हा डोंबिवलीत दिसू लागल्याने शहरातील नागरिक अस्वस्थ होते.

आणखी वाचा

‘शिकारी खुद यहां शिकार हो गया’, सायबर चोरट्याचा पोलिसाला गंडा घालण्याचा प्रयत्न; नंतर झालं असं काही

Sushma Andhare : “माझी प्रिय भावजय” म्हणत सुषमा…

मुंबई : गस्तीवर असलेल्या पोलीस अधिकाऱ्यावर हल्ला

पुणे : शहरात लुटमारीचे प्रकार वाढीस, दुचाकीस्वार तरुणांना लुटले

महिला अत्याचार वाढले….पण, गुन्ह्यातील दोषसिद्धीचे प्रमाण मात्र……

मोबाइल चोरणाऱ्या सराइतांना अटक; १२ मोबाइल संच जप्त; ९ गुन्हे उघड

पिंपरी-चिंचवडमध्ये ८० लाखांची रोकड, १७ लाखांचे मेफेड्रोन जप्त

अवैध मद्य वाहतुकीबद्दल उपनगरात २२६ गुन्हे दाखल

हेही वाचा… भिवंडीतील गोदामांची अगिभनसुरक्षा कागदावर; ‘एमएमआरडीए’च्या घोषणेनंतरही आग विझविण्यासाठी यंत्रणेचा अभाव

तडीपार सागर दाते डोंबिवलीत धारदार कोयता घेऊन फिरत असल्याची माहिती कल्याण गुन्हे शाखेचे हवालदार दत्ताराम भोसले यांना शनिवारी मिळाली होती. त्यांनी ही माहिती गुन्हे शाखेचे वरिष्ठ पोलीस निरीक्षक नरेश पवार यांना दिली. साहाय्यक पोलीस निरीक्षक संतोष उगलमुगले, उपनिरीक्षक संजय माळी, हवालदार दत्ताराम भोसले, बालाजी शिंदे, गुरूनाथ जरग, विश्वास माने, मिथुन राठोड यांनी दत्तनगर भागात जाऊन सापळा लावला.

प्रगती महाविद्यालया समोरील उद्याना जवळून तडीपार सागर दाते हातात कोयता घेऊन दहशत माजवित चालला असल्याचे दिसताच साध्या वेशातील पोलिसांनी त्याला घेरले. त्याने कोयत्याचा धाक दाखवून पोलिसांच्या तावडीतून पळण्याचा प्रयत्न केला. पोलिसांनी त्याचा पाठलाग करून त्याचा कोयता प्रथम काढून घेतला. त्याला पथकाने घेरून अटक केली. सागरवर संघटित गुन्हेगारी कायद्याने गुन्हे दाखल आहेत. सागरला अटक करून त्याला रामनगर पोलिसांच्या ताब्यात देण्यात आले. या पोलिसांकडून त्याला जिल्ह्याच्या बाहेर सोडण्याची कार्यवाही करण्यात आली.