कल्याण, डोंबिवलीत ९० तळीरामांवर कारवाई; मद्य पिऊन चालवित होते दुचाकी, मोटार कार

कल्याण : मद्य पिऊन वाहने चालविणाऱ्या ९० वाहन चालकांवर कल्याण, डोंबिवली शहरांमध्ये मागील दोन दिवसात वाहतूक पोलीस, पोलिसांनी कारवाई केली आहे. नववर्षाच्या उत्साहात अनेक वाहन चालक मद्य पिऊन वाहन चालवून अपघात करत असल्याने पोलिसांनी विशेष तपासणी मोहीम शहरात राबवली. त्यावेळी ही कारवाई करण्यात आली.

आणखी वाचा

सायबर गुन्हेगारांनी नागपूरकरांना घातला १४१ कोटींचा गंडा, १३ हजारांवर तक्रारी

‘मायक्रो-रिटायरमेंट’ म्हणजे काय? तरुणांमध्ये का वाढतोय हा ट्रेंड?

एसटी बसमध्ये वारंवार बिघाड… रोज १८३ बसच्या प्रवाश्यांना अडचण…

वायू प्रदूषण नियंत्रण नियमावलीचे उल्लंघन करणाऱ्या २८ बांधकामांना पालिकेची नोटीस

कल्याण न्यायालयातील कर्तव्यावरील अकरा पोलीस निलंबित

विशाल गवळी नौपाडा पोलीस ठाण्यातील कोठडीत, रेल्वे मार्गे गाठले होते बुलढाणा

पुण्यातील ‘इतके’ स्पीड ब्रेकर काढणार ? कारण काय

पुणे : दहशत माजविणार्‍या ‘चूहा गँग’वर मोक्का कारवाई, आंबेगाव पोलिसांची कारवाई

सर्वाधिक वाहन चालविणारे मद्यपी कल्याण पश्चिमेत आढळून आले. डोंबिवलीत २० आणि कल्याण कोळसेवाडी भागात २६ मद्यपी आढळून आले. या सर्वांवर मोटार वाहन कायद्याने, भारतीय दंड संहितेप्रमाणे दंडात्मक कारवाई करण्यात आली आहे. काही वाहन चालकांना ताब्यात घेऊन त्यांना न्यायालयात हजर करून दंडात्मक कारवाई करण्यात आली आहे, असे वाहतूक अधिकाऱ्याने सांगितले.

आणखी वाचा-नववर्षाच्या पहिल्याच दिवशी मुंबई नाशिक महामार्गावर भीषण अपघात

डोंबिवली वाहतूक विभागाचे वरिष्ठ पोलीस निरीक्षक अजय आफळे, कोळसेवाडी वाहतूक विभागाचे वरिष्ठ पोलीस निरीक्षक सचीन सांडभोर आणि कल्याण वाहतूक विभागाचे वरिष्ठ पोलीस निरीक्षक गिरीश बने यांच्या नेतृत्वाखाली पथकाने ही कारवाई केली. डोंबिवली, कल्याण शहरांमधील मुख्य वर्दळीचे रस्ते, चौकांमध्ये पोलीस, वाहतूक पोलिसांनी गस्त घालून ही कारवाई केली आहे.