ठाणे : इस्कॉन मंदिरातील सोहळ्यामुळे वाहतूक कोंडीची शक्यता

ठाणे : बाळकुम येथे काही महिन्यांपूर्वी इस्कॉन मंदिर उभारण्यात आले आहे. कृष्ण जन्माष्टमी निमित्ताने या मंदिरात ५० हजाराहून अधिक भाविक दर्शनासाठी येण्याची शक्यता आहे. त्यामुळे या भागातील बाळकुम, कापूरबावडी, कोलशेत, ढोकाळी भागात मोठ्या कोंडीची शक्यता व्यक्त केली जात आहे. वाहतुक कोंडी टाळण्यासाठी ठाणे वाहतुक पोलिसांनी रविवारी आणि सोमवारी या दोन दिवसांसाठी वाहतुक बदल लागू केले आहेत.

आणखी वाचा

Gaj Lakshmi Rajyog : मिथुन राशीमध्ये १२ वर्षानंतर निर्माण होणार गजलक्ष्मी राजयोग, या तीन राशींचे नशीब चमकणार, होणार आकस्मिक धनलाभ

२१ नोव्हेंबर पंचांग: वर्षातील शेवटचा गुरुपुष्यामृत योग कोणत्या…

सूर्य आणि शनि बदलणार आपली चाल, ‘या’ राशीच्या लोकांचे नशीब पलटणार, विलासी जीवनासह मिळेल अपार पैसा

१६ नोव्हेंबरला निर्माण होणार शक्तीशाली गजकेसरी योग! ‘या’ राशींचे लोक जगणार आलिशान आयुष्य, नव्या नोकरीसह होईल धनलाभ

शुक्र निर्माण करणार मालव्य राजयोग! २०२५ मध्ये ‘या’ राशींचे नशीब पलटणार, करिअरमध्ये यशासह मिळणार अपार धन

५ दिवसांनंतर सुर्य करणार मंगळाच्या घरात प्रवेश, या राशींचे सुरु होणार चांगले दिवस, प्रत्येक कामात मिळणार यश!

Vivah Muhurat 2025 : नवीन वर्ष २०२५ मध्ये विवाहासाठी किती शुभ मुहूर्त, पाहा जानेवारी ते डिसेंबरपर्यंतच्या तारखांची यादी

कला अकादमी आणि नूतनीकरणाची मोगलाई

बाळकुम येथील पिरॅमल वैकुंठ परिसरात इस्कॉन मंदिर आहे. या मंदिरात दररोज नागरिक दर्शनासाठी जात असतात. सोमवारी कृष्ण जन्माष्टमी आहे. त्यामुळे इस्कॉन मंदिरामध्ये जन्माष्टमी साजरी केली जाणार आहे. ठाणे जिल्ह्यासह विविध भागातून रविवारी (आज) पासून सोमवारी भाविक या मंदिरारामध्ये दर्शनासाठी येण्याची शक्यता मंदिर प्रशासनाने व्यक्त केली आहे. बाळकुम, कोलशेत, ढोकाळी भागात गेल्याकाही वर्षांमध्ये मोठी गृहसंकुले उभी राहिली आहेत. त्यामुळे येथे नागरी वस्ती देखील वाढली आहे.

आणखी वाचा-कृष्ण अष्टमीच्या दिवशी डोंबिवलीतील वर्दळीचे रस्ते वाहतुकीसाठी बंद

तसेच याच भागात ठाणे महापालिकेचे सेंट्रल पार्क हे उद्यान आहे. या उद्यानात देखील नागरिक येत असतात. असे असले तरी येथील रस्ते अद्यापही अरुंद आहेत. त्यामुळे वाहन चालकांना कोंडीचा सामना सहन करावा लागतो. इस्कॉन मंदिरातील कार्यक्रमांमुळे भाविकांची वाहने आल्यास त्याचा परिणाम येथील वाहतुक व्यवस्थेवर होऊन कोंडी होण्याची शक्यता व्यक्त केली जात आहे. वाहतुक कोंडी टाळण्यासाठी ठाणे वाहतुक पोलिसांनी या भागात वाहतुक बदल लागू केले आहेत. रविवारी (आज) सकाळी ७ वाजल्यापासून सोमवारी रात्री ११ वाजेपर्यंत हे वाहतुक बदल लागू असणार आहे.

असे आहेत वाहतुक बदल

• कोलशेत रोड येथील कल्पतरू पार्क जवळील राम मारूती रोड मार्गे बाळकूमच्या दिशेने वाहतुक करणाऱ्या वाहनांना या मार्गावर प्रवेशबंदी असेल. येथील वाहने ढोकाळी नाका मार्गे वाहतुक करतील.
• पिरॅमल वैकुंठ, बाळकुम प्रवेशद्वार क्रमांक एक समोरील राम मारूती रोड मार्गे कोलशेतच्या दिशेने वाहतुक करणाऱ्या वाहनांना दादलानी चौकात प्रवेशबंदी असेल. येथील वाहने दोस्ती वेस्ट कौन्टी प्रवेशद्वारजवळून वळण घेऊन वाहतुक करतील.
• कोलशेत गाव येथील जलवाहिनी मार्गे तसेच दोस्ती वेस्ट कौन्टी प्रवेशद्वार येथून सेवा रस्ता मार्गे बाळकुमच्या दिशेने वाहतुक करणाऱ्या वाहनांना दोस्ती वेस्ट कौन्टी प्रवेशद्वार येथे प्रवेशबंदी असेल. येथील वाहने कोलशेत रोड, लोढा अमारा मार्गे वाहतुक करतील.
• यशस्वी नगर, हायलँड चौकातुन जलवाहिनी मार्गे पिरॅमल वैकुंठ येथून बाळकुम, कोलशेतच्या दिशेने वाहतुक करणाऱ्या वाहनांना राधाकृष्ण स्वीट समोरील चौकात प्रवेशबंदी असेल. येथील वाहने यशस्वीनगर मार्गे वाहतुक करतील.
• साकेत, बाळकुमनाका येथून राम मारूती रोड मार्गे कोलशेतच्या दिशेने वाहतुक करणाऱ्या सर्व वाहनांना बाळकुम नाका येथे प्रवेशबंदी असेल. येथील वाहने माजिवडा- मानपाडा प्रभाग समिती, हायलँड रोड मार्गे वाहतुक करतील.
• भिवंडी, दादलानी येथून राम मारूती रोड मार्गे कोलशेतच्या दिशेने वाहतुक करणाऱ्या वाहनांना दादलानी चौकात प्रवेशबंदी असेल. येथील वाहने बाळकुम नाका मार्गे वाहतुक करतील.
• दर्शनासाठी येणाऱ्या भाविकांच्या वाहनांना हायलँड येथील मैदानात त्यांची वाहने उभी करता येणार आहेत.